მეცნიერებმა ონკოლოგიური დაავადების საწინააღმდეგო ახალი საშუალების აპრობაცია დაიწყეს.

ლოს-ანჯელესის კიბოს კვლევის ცენტრის მედიკოსებმა ონკოლოგიურ პაციენტს ისტორიაში პირველად, შეუყვანეს პრეპარატი, რომელიც მეტასტაზებს ანადგურებს. პრეპარატ Vaxinia-ს შემუშავებაში მონაწილეობას იღებდნენ ბიოტექნოლოგიური კომპანია Imugene-ს თანამშრომლები.

ონკოლიტური ვირუსი CF33-hNIS წარმოადგენს ყვავილის მოდიფიცირებულ ვირუსს, რომელიც დაპროგრამებულია მხოლოდ კიბოს უჯრედების განადგურებაზე. შედეგად დაღუპული უჯრედი გამოანთავისუფლებს ათასობით ვირუსულ ნაწილაკებს-ანტიგენებს, რომლებიც ასტიმულირებენ იმუნურ სისტემას ახლომდებარე სხვა მეტასტაზების განადგურებაზე.

ამ პრეპარატის კლინიკური გამოცდის პირველ ფაზაში მონაწილეობას მიიღებს 100 ზრდასრული პაციენტი მეტასტაზებით და დიდი ავთვისებიანი სიმსივნეებით. ექსპერიმენტში მონაწილეობისთვის ყოველმა მსურველმა უნდა გაიაროს სტანდარტული თერაპიის არანაკლებ ორი კურსი.

პირველ ეტაპზე, მეცნიერებს სურთ გაიგონ, თუ რამდენად უსაფრთხოა ახალი პრეპარატი, აგრეთვე შეარჩიონ მკურნალობისთვის საჭირო ოპტიმალური დოზა. ამისთვის პაციენტებს CF33-hNIS ვირუსის ჯერ მცირე დოზებს შეუყვანენ. გამოცდის შედეგების გამოქვეყნება 2025 წლისთვის იგეგმება.

კიბოსთან ბრძოლის გარდა ყვავილის ვირუსი აძლიერებს იმუნურ სისტემას. მედიკოსები იმედოვნებენ, რომ ახალ პრეპარატი კლასიკურ თერაპიასთან ერთად, კიბოს ტერმინალური (მეოთხე) სტადიის მქონე პაციენტებსაც დაეხმარება.

ცხოველებზე ჩატარებული ექსპერიმენტების შედეგად დადგინდა, რომ CF33-hNIS -ს შეუძლია გაანადგუროს სხვილი ნაწლავის, სარძევე ჯირკვლის, ფილტვის, კუჭქვეშა ჯირკვლის და საკვერცხეების სიმსივნური ქსოვილები.

იქნებ დაგაინტერესოთ:

როგორ გამოიყურება მიკროსკოპის ქვეშ ჩვენი ორგანოები, კიბოს უჯრედების განადგურების პროცესი და ა.შ. (+ვიდეო)

გარანტია ათასი წელი: უძველესი მაიას ტომის სტომატოლოგიის დონით მეცნიერები გაოცებული არიან

როგორ გამოიყურება დღეს კრისტინა, რომელმაც საშინელი ავადმყოფობა დაამარცხა

პლანეტის 11 უცნაური და საშინელი არსება

ნაპოვნია უცნაური არსება - მეცნიერებს ჯერჯერობით პასუხი არ აქვთ

რომელი პროდუქტები აუმჯობესებენ მეხსიერებას?

რატომ ბერდებიან ადრე მარიხუანის მოყვარულები და რა აღმოაჩინეს მის კვამლში

რატომ იღუპებოდა 1865 წლამდე ბევრი პაციენტი წარმატებული ქირურგიული ოპერაციების შემდეგ

იმპოტენციასთან ბრძოლის ყველაზე უარესი მეთოდები წარსულში

ადამიანის სხეულის რომელ ნაწილს შეუძლია რეგენერაცია (თვითაღდგენა)

სექსის უცნაურობების ისტორიული მაგალითები (ნაწილი I)