როგორც მოხდა, შეთანხმების მიუხედავად, ჩემთვის მოულოდნელად მე არ შემიშვეს პატრიარქთან. დაახლოებით 30 წუთის შემდეგ შეხვედრიდან გამოვიდა ზაზა და მისი მეუღლე, ჩავსხედით მანქანაში და დავიძარით რუსთაველისკენ.

რათქმაუნდა მაინტერესებდა, მანქანაში მოვტრიალდი და ზაზას ვკითხე, თუ რა უთხრა მას პატრიარქმა? ლოცვა გააძლიერეთო - მიპასუხა მან. თავი დავხარე, ცხადია, პატრიარქისგან სხვა მოლოდინი არც ყოფილა. ამ დროს ატირდა ზაზას გვედრდით მჯდომი მისი მეუღლე, დათუნა სარალიძის დედა. - მხოლოდ ეგ არ უთქვამს, თქვა მან. - სანამ თქვენ რუსთაველზე დგახართ, თქვენი შვილის სული არ ცხონდებაო. - თქვა მან მკაცრი ხმით და ტირილი გააგრძელა. სისხლი გამიშრა. სიტყვა ვერ ვიპოვე. მივტრიალდი და გავაგრძელეთ გზა რუსთაველისკენ, სადაც წვიმაში იდგა ხალხი და გველოდებოდა. არ მესმის, მაგრამ ვიცი რატომ არ ხვდება პატრიარქი მიხეილ სააკაშვილის ოჯახს."-წერს კუპრავა.

ხორავას ქუჩაზე მოკლული მოზარდის, დავით სარალიძის მამა, ზაზა სარალიძე მეუღლესთან და შვილთან ერთად საქართველოს საპატრიარქოში 2018 წლის 2 ივნიის იყო მისული. გამოსვლისას მან კომენტარი არ გააკეთა, მხოლოდ აღნიშნა, რომ ემოციური შეხვედრა იყო ამ ეტაპზე, მეუღლის გრძნობებს უფრთხილდებოდა და ჯერ არაფრის თქმას აპირებდა. ზაზა სარალიძესთან შეხვედრის სურვილი საქართველოს პატრიარქმა თავად გამოთქვა. ზაზა სარალიძემ შეხვედრის დაწყებამდე ჟურნალისტებს განუცხადა, ის პატრიარქთან შესახვედრად მხოლოდ ოჯახის წევრებთან ერთად შევიდოდა.