ჩვენმა უმეტესობამ იცის, რომ ეგვიპტის პირამიდები ეგვიპტის მმართველების უძველესი სამარხია. ვინც იყო ლუქსორში, აღფრთოვანებულია მათი წარმოუდგენელი ზომით. მაგრამ ყოველივე ამის შემდეგ, ზომის გარდა, პირამიდებში ბევრი შთამბეჭდავი და იდუმალი რამ იმალება, რაც ბევრისთვის წარმოუდგენელიც კია.
სამი პირამიდა გიზას ნეკროპოლისში არის ყველაზე ცნობილი ეგვიპტური პირამიდები, მაგრამ სინამდვილეში, დაახლოებით 140 პირამიდა აღმოაჩინეს ძველი ეგვიპტის ტერიტორიაზე.
ითვლება, რომ უძველესი ეგვიპტური პირამიდა არის ფარაონ ჯოსერის პირამიდა, რომელიც აშენდა საკარას ნეკროპოლისში XXVII-ე საუკუნეში ძვ.წ.
მიუხედავად იმისა, რომ ჯოზერის პირამიდა ითვლება უძველესად, ხუფუს პირამიდა (ასევე ცნობილია როგორც გიზას დიდი პირამიდა ან ხეოფსის პირამიდა) ყველაზე დიდია. პირამიდის საწყისი სიმაღლე იყო 146, 5 მეტრი, ამჟამინდელი სიმაღლე 138, 8 მეტრია.
სანამ ლინკოლნის საკათედრო ტაძარი აშენდა ინგლისში 1311 წელს, გიზას დიდი პირამიდა ითვლებოდა მსოფლიოში ყველაზე მაღალ ხელოვნურ ნაგებობად. ის ამ სტატუსს 3871 წლის მანძილზე ინარჩუნებდა.
გიზას დიდი პირამიდები უძველესი სამყაროს შვიდი საოცრებიდან უძველესი და უნკანასკნელია, რომელიც დღემდეა შემორჩენილი.
სხვადასხვა დროს პირამიდების მშენებლობაში ჩართული მუშების რაოდენობა მნიშვნელოვნად განსხვავდება, მაგრამ ეს რიცხვი შეიძლება 100 000-მდეც კი აღწევდა.
გიზას პირამიდებს იცავს დიდი სფინქსი, უდიდესი მონოლითური ქანდაკება მსოფლიოში. ითვლება, რომ სფინქსის სახე ფარაონ ხაფრეს სახეს წარმოადგენს.
ყველა ეგვიპტური პირამიდა აშენდა ნილოსის დასავლეთ სანაპიროზე. ეს სანაპირო, როგორც მზის ჩასვლის ადგილი, ეგვიპტურ მითოლოგიაში მიცვალებულთა სამეფოსთან იყო დაკავშირებული.
ძველი ეგვიპტელები მაღალი წრის წარმომადგენლებს პირამიდებში კრძალავდნენ, დასაფლავების აქსესუარებთან ერთად, რომლებიც მერყეობდა ყოველდღიური ნივთებიდან ყველაზე ძვირადღირებულ ნივთებამდე და სამკაულებამდე. მათ სჯეროდათ, რომ მკვდრები ამ ყველაფერს გამოიყენებდნენ შემდგომ ცხოვრებაში.
პირამიდების პირველი ცნობილი არქიტექტორი იყო იმჰოტეპი, ძველ-ეგვიპტური ერუდიტი, ინჟინერი და ექიმი. იგი ითვლება პირველი დიდი პირამიდის - ჯოსერის პირამიდის ავტორად.
ექსპერტები ზოგადად ეთანხმებიან ჰიპოთეზას, რომ პირამიდები აშენდა კარიერებიდან სპილენძის ხელსაწყოებით გამოჭრილი უზარმაზარი ქვებისგან, მაგრამ ამავე ქვების გადაადგილებისა და განთავსების მეთოდები დღეს კამათის საგანს წარმოადგენს.
მეცნიერებმა დაადგინეს, რომ პირამიდების ასაგებად გამოყენებული მეთოდები დროთა განმავლობაში განვითარდა და გვიანდელი პირამიდები ადრინდელებისგან გასხვავებული წესით აშენდა.
