პლანეტების მცირე და დიდი აღლუმები - შვიდი ციური სხეული ერთ ხაზზე განლაგდება. ამ მოვლენაზე პლანეტის მაცხოვრებლებს აპრილის შუა რიცხვებიდან ივნისის ჩათვლით შეეძლებათ დაკვირვება.

პლანეტების აღლუმი არის ასტრონომიული ფენომენი, მზის სისტემის პლანეტების გარკვეული რაოდენობა მზიდან " 20-30 ° დაშორებით ერთ ხაზზე განლაგდება. უფრო მეტიც, ისინი მეტ-ნაკლებად ახლოს იქნებიან ერთმანეთთან ციურ სფეროზე.

ციური სხეულების ეს განლაგება არის წმინდა ოპტიკური ეფექტი, რომლის დაკვირვებაც შესაძლებელია მხოლოდ დედამიწიდან - კოსმოსის სხვა ადგილიდან, თითოეული პლანეტის პოზიცია განსხვავებული იქნება.

რუსეთის მეცნიერებათა აკადემიის ასტრონომიის ინსტიტუტში აცხადებენ, რომ პლანეტების განლაგება დაიწყო მარტის ბოლოს, როდესაც სატურნი, მარსი და ვენერა ერთ ხაზზე განლაგდნენ. 20 აპრილის დილით მათ შეუერთდა იუპიტერი, ხოლო, 23 აპრილს მთვარემ შეავსო პლანეტების შემადგენლობა.

პლანეტების მცირე აღლუმის სანახავად (ბოლო შემთხვევა მოხდა 2020 წელს), თქვენ უნდა ადგეთ მზის ამოსვლამდე და გაიხედოთ აღმოსავლეთისკენ.

ვენერა იქნება ოთხივე პლანეტის ყველაზე კაშკაშა ობიექტი, იუპიტერი იქნება მეორე ყველაზე კაშკაშა, ხოლო სატურნი მესამე მზესთან შედარებით უფრო შორს მდებარეობის გამო. ყველა მათგანი თეთრად ანათებს. მარსი იქნება ნარინჯისფერი მანათობელი წერტილი. პლანეტები ჰორიზონტზე დაბლა იქნებიან, რამაც შეიძლება გაართულოს მათი დანახვა.

თუმცა, პლანეტების დიდ აღლუმს, როცა შვიდი პლანეტა ერთდროულად ჩადგება ერთ რიგში, პლანეტის ბინადრები 24 ივნისს ელიან. მას აღმოსავლეთშიც დააკვირდებიან. მერკური, ვენერა, მარსი, იუპიტერი, სატურნი, ნეპტუნი და ურანი ვიზუალურად განლაგდებიან, როგორც სკოლის სახაზავზე.

მართალია, მცირე აღლუმისგან განსხვავებით, სადაც თითოეული პლანეტა შეუიარაღებელი თვალით იქნება ხილული, დიდ აღლუმზე პატარა ტელესკოპია საჭირო დასაკვირვებლად. გარდა პლანეტების აღლუმისა, ასტრონომიის მოყვარულებმა შეძლეს ლირიდის მეტეორული წვიმის მაქსიმალური მოქმედების დანახვა, რომელიც 21-22 აპრილის ღამეს მოხდა. საათში 18-მდე მეტეორის წვიმაა იყო მოსალოდნელი. 30 აპრილს კი წლის პირველი მზის დაბნელება მოხდება. ეს იქნება ნაწილობრივ შესამჩნევი რუსეთის ტერიტორიიდან. მისი დაკვირვება შესაძლებელია მხოლოდ სამხრეთ ამერიკის სამხრეთ-დასავლეთით და ანტარქტიდიდან.