ფოტოგრაფებისთვის, რომლებიც საკუთარ დროს უნიკალური კადრებისა და მომენტების პოვნას უთმობენ, სპეციალური გამოფენები და ჯილდოებიც კი არსებობს. მაგ., არსებობს Comedy Wildlife Photography Awards–ის ყოველწლიური ჯილდო, რომელიც ველური ბუნების ფოტოგრაფებს ენიჭებათ. ეს ადამიანები საათებს, დღეებს და ხან, თვეებსაც კი, კამერებით ხელში ატარებენ იმისთვის, რომ განსაკუთრებული კადრი გადაიღონ.

მაგრამ, არიან სხვა ფოტოგრაფებიც, უფრო სწორედ, ფოტომოყვარულები – ჩვეულებრივი ადამიანები, რომლებსაც უბრალოდ გაუმართლათ და საჭირო მომენტში, ხელში სმარტფონი აღმოაჩნდათ... ასე გადაღებული ფოტოსურათი, ერთი შეხედვით, შეიძლება, ფოტოშოპში დამუშავებლიც კი გვეგონოს, ან ვერც კი მივხვდეთ, თუ რა ხდება ფოტოზე?..

აქ სწორედ, ასეთ 15 კადრს წარმოგიდგენთ, რომელიც, უბრალოდ, საჭირო მომენტშია გადაღებულ:

ეს ფოტო საღებავების დღესასწაულზე – ჰოლიზეა გადაღებული, რომელიც ინდოეთში ყოველწლიურად იმართება. საღებავი უსაფრთხოა, როგორც ადამიანისთვის, ისე ცხოველებისთვის. ამიტოიმ ძაღლს, რა თქმა უნდა, არაფერი მოსვლია. არა და, აშკარად, "ცეცხლი უკიდია"

ეს, ალბათ, ყველაზე მაღალი ტრამვაი მსოფლიოში. მაგრამ, კარგად თუ დააკვირდებით, ყველაფერი თავის ადგილზე დადგება... თუმცა, ტრამვაი, მართლაც რომ 2 სართულიანია

ეს წერტილი I-80 გზატკეცილზე, უაიომინგში (აშშ), ცნობილია როგორც გზა ზეცაში

აი ამას ჰქვია, ფოტოს გადაღება საჭირო მომენტში!

ხიდებიდან, ძალიან ხშირად, ულამაზესი პეიზაჟები იშლება. ამ ხის მოაჯირმა კი ფოტოსურათი, 4 იდეალურ ნაწილად გაყო, თან განსხვავებული ფერებით

ხედი კარვიდან

ეს ერთი ფოტოსურათია! მაგრამ, ბოძის წყალობით, ისეთი შთაბეჭდილება იქმნება, თითქოს, 2 ფოტოა გადაბმული ერთმანეთზე.

ამ ფოტოზე, ერთი შეხედვით, ავტომობილი არსად ჩანს. თუმცა, კარგად თუ დააკვირდებით, ფოტოსურათის უდიდესი ნაწილი სწორედ მას უკავია. უბრალოდ, ის ისე არის გარეცხილი და გაპრიალებული, რომ ადგილობრივ პეიზაჟს შეერწყა და უჩინარი გახდა – მხოლოდ საბურავიღა უჩანს...

ეს ფოტო კიდევ ერთხელ ამტკიცებს, რომ სურათის გადაღებისას, ყველაზე მნიშვნელოვანი რაკურსია... და შეიძლება, ბავშვიც კი, გოლიათად გამოჩნდეს...

ამ სათვალეში კი, განსაკუთრებული არაფერია – მის მინებზე ბადის მიერ შექმნილი გვირაბის ანარეკლია, რომელიც უკანა ფონზე მოჩანს

რა ხდება ამ ფოტოზე, მისი გადაღების მომენტის ახსნის გარეშე, რთული გასარკვევია. უპირველეს ყოვლისა უნდა აღინიშნოს, რომ ეს კადრი დრონით არის გადაღებული, ძლიერი ქარიშხლის შემდეგ, რომელმაც ხეები ფესვებიანად მოგლიჯა და ერთი მიმართულებით გადაყარა.