x
image
ნიკოლოზ ხუციშვილი
პუტინი: რუსეთი განაახლებს "მთვარის პროგრამას"
image

12 აპრილს რუსეთის პრეზიდენტმა ვლადიმერ პუტინმა, ვოსტოჩნის კოსმოდრომზე რუსი კოსმონავტების სახელმწიფო ჯილდოების გადაცემის ცერემონიაზე განაცხადა, რომ რუსეთი განაახლებს "მთვარის პროგრამას". ლაპარაკია, სააგენტო TASS-ის ცნობით, ამურის რეგიონში მდებარე ვოსტოჩნის კოსმოდრომიდან Luna-25 ავტომატური აპარატის გაშვების შესახებ.


”ჩვენ წარმატებით უნდა გავუმკლავდეთ კოსმოსის გამოწვევებს, რათა უფრო ეფექტურად გადავჭრათ ეროვნული განვითარების ამოცანები აქ დედამიწაზე, გავაძლიეროთ ჩვენი უსაფრთხოება და ტექნოლოგიური სუვერენიტეტი და შევქმნათ მოწინავე განვითარება რობოტიკისა და მიკროელექტრონიის, ეკოლოგიისა და მედიცინის სფეროში", - განაცხადა პუტინმა.


რუსეთის პრეზიდენტმა ასევე აღნიშნა, რომ ლუნა-25 პროგრამა მიმდინარე წლის მესამე კვარტალში უნდა განხორციელდეს.


ამავდროულად, პუტინმა როსკოსმოსის ხელმძღვანელს, დიმიტრი როგოზინს მიმართა: „ჩვენ გვექნება დრო?“, რაზეც როგოზინმა უპასუხა: „ჩვენ უნდა გამოვნახოთ დრო“.



კოსმოდრომის თანამშრომლებთან ურთიერთობისას პრეზიდენტს ჰკითხეს, შესაძლებელია თუ არა სანქციების პირობებში კოსმოსური პროგრამის განხორციელება. საპასუხოდ, პუტინმა გაიხსენა, რომ სსრკ-ს კოსმოსური პროგრამა განხორციელდა ქვეყნის სრული იზოლაციის პირობებში, მაგრამ მოახერხეს პირველი თანამგზავრის გაშვება და პირველი კოსმონავტის, პირველი კოსმოსური გასეირნება და ქალი კოსმონავტის პირველი ფრენა და მისი თქმით, ეს ყველაფერი საბჭოთა მეცნიერების მიღწევად იქცა.


სახელმწიფოს მეთაურმა დასძინა, რომ რუსეთის ფედერაცია გააგრძელებს თავისი ტექნოლოგიების განვითარებას. „რასაც თავისუფლად ყიდულობდნენ ნავთობზე და დოლარზე, გაზზე - ეს ფული, ისევ რჩება ქვეყანაში, ჩვენ კი მას ვიყენებთ საკუთარი კომპეტენციების განვითარებისთვის“, - განაცხადა პუტინმა.

0
117
3-ს მოსწონს
ავტორი:ნიკოლოზ ხუციშვილი
ნიკოლოზ ხუციშვილი
117