რუსეთის სახელმწიფო დუმაში პირველი არხის ყოფილი ჟურნალისტის, ჟანა აგალაკოვას სისხლისსამართლებრივი დასჯა მოითხოვეს. ტელევიზიის პირველი არხის თანამშრომელი პროტესტის ნიშნად საზღვარგარეთ წავიდა და ფრანგ ჟურნალისტებთან ინტერვიუში რუსეთის მთავრობა გააკრიტიკა.

სახელმწიფო სათათბიროს დეპუტატმა იური შვიტკინმა თხოვნით მიმართა რუსეთის ფედერაციის საგამოძიებო კომიტეტს სისხლის სამართლის საქმე აღძრას აგალაკოვას მიმართ.

დეპუტატმა რუსეთში არსებულ სახელმწიფო პროპაგანდას და მედიაზე კონტროლის არსებობას "სრული სისულელე" უწოდა.

შვიტკინი აღშფოთებულა იმითაც, რომ ჟანა აგალაკოვა მრავალი წლის განმავლობაში მუშაობდა პირველ არხზე და მხოლოდ ახლა გადაწყვიტა აზრის გამოთქმა.

”ამდენი წელი იცხოვრა და იმუშავა რუსი დამსაქმებლის ხარჯზე, ” - თქვა მან.

დეპუტატი დარწმუნებულია, რომ დასავლეთში წასული ჟანა აგალაკოვა სისხლის სამართლებრივ სასჯელს იმსახურებს. მან ჟურნალისტს სამშობლოს მოღალატე უწოდა, რადგან რუსები „ზომბირებულ ხალხად“ მოიხსენია.

ასევე საკუთარ Telegram არხზე მან მოუწოდა სახელმწიფო ჯილდოები ჩამორთვას ყველა იმას, ვინც აღმოჩნდა დასავლეთის მხარეზე. შვიტკინი თვლის, რომ ამგვარმა რუსმა მოღვაწეებმა რუსულ ფესვებს და სახელმწიფოს უღალატეს.

პირველი არხის წამყვანმა სამშობლოს დატოვების შემდეგ ფრანგულ მედიას ინტერვიუ მისცა, ჟანა აგალკოვამ განაცხადა, რომ რუსებს ტელევიზიის დახმარებით "ტვინებს ურეცხავენ". მისი თქმით, შიდა ახალ ამბების გამოშვებებში არ არის რეალური „ქვეყანა და რუსეთი“.

შეგახსენებთ, რომ ჟანა აგალკოვას გარდა, უკრაინაში ომის დაწყების შემდეგ, რუსეთში კიდევ რამდენიმე ჟურნალისტმა დატოვა სამსახური