ბელორუსია-უკრაინის საზღვარზე გომელის რაიონში გამართულ მოლაპარაკებებზე მოსკოვმა არაერთი მოთხოვნა წამოუყენა კიევს. დეტალები РИА Новости.-სთვის გახდა ცნობილი.

კერძოდ, რუსეთმა გამოაცხადა უკრაინის დენაციფიკაციის აუცილებლობის, დონეცკისა და ლუგანსკის სახალხო რესპუბლიკების აღიარება დონეცკისა და ლუგანსკის ოლქების საზღვრებში, ასევე, ქვეყნის არაბლოკური სტატუსის უზრუნველყოფა საპარლამენტო დონეზე და შესაბამისი რეფერენდუმის გამართვის აუცილებლობა.

მხარეთა შეხვედრა ორშაბათს, 28 თებერვალს, მდინარე პრიპიატის ნაპირზე მდებარე საიდუმლო ადგილას, კოდური სახელწოდებით „მეთევზის სახლი“ გაიმართა. მისი მდებარეობა უსაფრთხოების მიზეზების გამო არ გახმაურებულა.

რუსეთის დელეგაციას პრეზიდენტის თანაშემწე, კულტურის ყოფილი მინისტრი ვლადიმერ მედინსკი ხელმძღვანელობდა.