სხვა მიმდინარე წელს მექსიკაში უკვე 6 ჟურნალისტი მოკლეს 2022, 23 თებერვალი, 17:49 ![]() 29 წლის მიშელ პერეს ტადეო, ცნობილი როგორც მიშელ საიმონი, გარდაცვლილი იპოვეს მეხანძრეებმა, რომლებიც ებრძოდნენ ხანძარს მეხიკოს სამხრეთით. ![]() მეხიკოს გენერალურმა პროკურატურამ განაცხადა, რომ მისი ცხედარი თეთრეულში გახვეული პიკაჩო-აიუსკოს გზატკეცილზე, ხანძრის გაჩენის მახლობლად იპოვეს. ჟურნალისტის ნათესავებმა და მეგობრებმა, რომელიც წარმოშობით სამხრეთ ვერაკრუსის შტატიდან იყო, მისი დაკარგვის შესახებ განაცხადება გასულ პარასკევს გააკეთეს. ![]() ![]() იანვარში ოთხი მედიის თანამშრომელი მოკლეს, ხოლო მეხუთე რეპორტიორი ამ თვის დასაწყისში . 10 თებერვალს ინტერნეტ საინფორმაციო საიტის Noticias Web-ის დირექტორი ჰებერ ლოპესი(ფოტოზე) ცეცხლსასროლი იარაღით მოკლეს სამხრეთ შტატ ოახაკაში. მკვლელმა პირდაპირ კაბინეტში მიაკითხა ლოპესს და იქვე ჩაცხრილა. მოწმეებმა თქვეს, რომ ლოპესი თავის კაბინეტში იმყოფებოდა დაახლოებით საღამოს 18:30 საათზე, როდესაც ოფისის წინ დადგა თეთრი მანქანა, რომელშიც ორი კაცი იჯდა. ერთი ადამიანი გადმოვიდა, კაბინეტში შევიდა და ჟურნალისტს ესროლა. ![]() ოახაკას შტატის პროკურატურამ განაცხადა, რომ მკვლელობაში ორი ეჭვმიტანილი დააკავეს, რა დროსაც ამოიღეს მკვლელობის იარაღი. მანამდე, 31 იანვარს მოკლეს რობერტო ტოლედო, ოპერატორისა და ონლაინ ვებგვერდის Monitor Michoacan-ის ვიდეო რედაქტორი.. ტოლედო თავდამსხმელებმა იმ დროს დაცხრილეს, როდესაც ის ინტერვიუსთვის ემზადებოდა ზიტაკუაროში, მიჩოაკანში. 23 იანვარს სასაზღვრო ქალაქ ტიხუანაში რეპორტიორი ლურდეს მალდონადო ლოპესი ცეცხლსასროლი იარაღით მოკლული იპოვეს საკუთარ მანქანაში. იმავე ქალაქ ტიხუანაში, კრიმინალური ფოტოგრაფი მარგარიტო მარტინესი მოკლეს თავისი სახლის წინ 17 იანვარს. რეპორტიორი ხოსე ლუის გამბოა თავდასხმის შემდეგ მოკლეს 10 იანავრს მექსიკის ყურის სანაპიროზე, შტატ ვერაკრუსში. ![]() 124 3-ს მოსწონს
|