არ ვიცით, თქვენთან როგორ აღნიშნავენ სიყვარულის დღეს, ყოველ შემთხვევაში, ალბათ არა ისე, როგორც ეს მაიმუნები.

მათ გამო ინგლისის ზოოპარკმა დაიქირავა მსახიობი, რომელიც განასახიერებდა საკულტო სოულ-მომღერალს, მარვინ გეის. მაიმუნებს უმღერეს ჰიტები Let’s Get It On и Sexual Healing მსგავსი, რომელიც 70-იან წლებში რომანტიულობის და სექსუალობის მაგალითად ითვლებოდა. ზოოპარკის ხელმძღვანელობას იმედი აქვს, რომ ამით დედალ-მამალ მაიმუნებში უნაზეს გრძნობებს გააღვივებენ და შეჯვარდებიან.

პარკი მდებარეობს სტაფორდში და იწოდება "მაიმუნების ტყე ტრენტამი". მისი დირექტორი, მეთ ლოვატი აღიარებს, რომ ის ამ იდეას ცოტა სულელურად თვლის, მაგრამ პერსონალმა უკვე იმედი დაკარგა და მზადაა ყველაფერი მოიმოქმედოს, ოღონდაც ბერბერულმა მაკაკებმა ერთმანეთის მიმართ ინტერესი გამოავლინონ: "ჩვენ ვიფიქრეთ, იქნებ ამ შემოქმედებითმა მეთოდმა იმოქმედოს ჩვენს მდედრებზე და ცოტა ინტერესი მაინც გამოიჩინონ მამრების მიმართ, რომელთაც სიყვარულში არც ისე გაუმართლათ, -ამბობს დირექტორი-მდედრები სეზონზე ჯვარდებიან რამდენიმე მამრთან, ამიტომ ამ ფუმფულა პრიმატებში მამის ვინაობა არასოდესაა ცნობილი. ყოველი დაბადება სასიცოცხლოდ მნიშვნელოვანია სახეობისთვის. ბერბერული მაკაკები კი კლასიფიცირდება, როგორც სახეობა, რომელიც გაქრობის პირასაა. ასე რომ, იმედია, მარვინ გეიმ "ჯადოქრობა" მოახდინა და მალე გვეყოლება ახალი თაობა".

მარვინ გეის როლი შეასრულა მსახიობმა დეივ ლარგიმ, რომელიც სხვადასხვა დაბადების დღეებსა და ქორწილებში მომღერალს განასახიერებს, ეს მისი შემოსავლის წყაროა. მაკაკებისთვის ის პირველად მღეროდა და მსმენელი მოეწონა (ყოველ შემთხვევაში წესიერად იქცეოდნენ, და არა ისე, როგორც ზოგიერთი ადამიანი).

და ბოლოს უბრალოდ მოუსმინეთ კლასიკას. მარვინ გეი ამად ღირს:

ეს საინტერესოა:

ინდონეზიის მაიმუნების "ბანდები", წინასწარ განზრახული "დანაშაულებრივი სქემით" მოქმედებენ

რატომ უყვართ კატებს ნივთების გადმოყრა?

რატომ გაქრნენ ევროპაში ბეღურები?

გიგანტური ობიექტები და ადამიანები

ცნობილი სახეები, რომლებიც გიჟდებიან თავის ოთხფეხა მეგობრებზე

ცნობისმოყვარე ცხოველები, რომლებიც ფოტოგრაფებს მუშაობაში ხელს უშლიან

იცოდით, მწვანე კოდალა ზამთრის მარაგს სად ინახავს?

რატომ ემტერებიან კატები საახალწლო ნაძვის ხეებს? (+ვიდეო)

ფოტოები, რომელიც ამტკიცებს, რომ კატა და ზამთარი-შეუთავსებელი ცნებებია

ვინ და რა აიძულებს კობრებს ცეკვას?