მონაკოს სამთავრო - ხმელთაშუა ზღვის სანაპიროზე მდებარეობს და მხოლოდ 2, 02 კმ2 ფართობს მოიცავს. მონაკო მსოფლიოში ცნობილია თავისი ბრწყინვალე პეიზაჟებით, შესანიშნავი ხმელთაშუა ზღვის კლიმატით, ცნობილი კაზინოებითა და ღამის კლუბებით. ეს ჯუჯა სახელმწიფო პლანეტის ერთ-ერთ ყველაზე შთამბეჭდავ ადგილად ითვლება, რომელიც ცხოვრების საკმაოდ მაღალი ხარისხით გამოირჩევა, და მაინც რაში მდგომარეობს ამ ქალაქ - სახელმწიფოს უნიკალურობა?

რაც არ უნდა გაგიკვირდეთ, მონაკოს სანიტარიული სტანდარტების მიხედვით, ერთ ადამიანზე მინიმუმ 125 კვადრატული მეტრი საცხოვრებელი ფართი მოდის, და ეს სულაც არ გეგონოთ ხუმრობა. პატარა სამთავროში ცხოვრება სწორედ ასეა მოწყობილი.

ერთ საგულისხმო ამბავს მოგიყვებით, ერთ-ერთ შეხვედრაზე სამთავროს 11 უღარიბესი მაცხოვრებლის საცხოვრებელი ფართით უზრუნველყოფის საკითხი წყდებოდა.

ცნობისთვის, ქვეყანაში ყველაზე იაფი საცხოვრებელი ფართის ღირებულება დაახლოებით 20 ათასს ევროს შეადგენს, ანუ სამთავროს ამ 11 ყველაზე ღარიბ მცხოვრებს სახლები გამოეყო, რომელთაგან თითოეული მინიმუმ 2, 5 მილიონი ევროს ღირებულების იყო.

შეგახსენებთ, რომ მონაკოში პრემიუმ - კლასის ერთი კვადრატული მეტრის ღირებულება დაახლოებით 50-70 ათასი ევროა. მაგალითად, ამ ძაღლის აივანი დაახლოებით იგივე ღირს, რაც საშუალოდ ერთოთახიანი ბინა რუსეთის რომელიმე რეგიონში. თავად სამთავრო საკმაოდ პატარა და მოკრძალებულია, მისი ფართობი მხოლოდ ორ კვადრატულ კილომეტრს შეადგენს.

მონაკოში დაახლოებით 37 ათასი ადამიანი ცხოვრობს, თუმცა ქვეყნის სრულუფლებიანი მოქალაქე აქედან მხოლოდ 5 000-ია, რომელიც მთელი რიგი უპირატესობებით სარგებლობს, მაგალითად, შეუძლია ქალაქის ძველ უბანში დასახლდეს და გადასახადებისგან მთლიანად გათავისუფლდეს.

უცხოელისთვის მონაკოს მოქალაქეობის მიღება ძალიან რთულია. ქვეყანაში უძრავი ქონების შეძენით, თქვენ ასეთ შესაძლებლობას სამწუხაროდ ვერ მიიღებთ... გასული ნახევარი საუკუნის განმავლობაში, მხოლოდ 5 ადამიანმა შეძლო სამთავროს მოქალაქეობის უფლების მიღება.

ლეგენდარული კაზინო მონტე - კარლო

მონაკოში საშუალო ხელფასი 5, 5 ათასს ევროს შეადგენს, გარდა ამისა ქვეყნის მოსახლეობა მთელი რიგი სოციალური შეღავათებითაც სარგებლობს.

სათამაშო ინდუსტრია ქვეყნის შემოსავლის მხოლოდ 4%-ს შეადგენს. ძირითადი წილი ტურიზმზე, მშენებლობაზე, ავტომობილების წარმოებაზე და მედიაზე მოდის, რომელიც სამეფო ოჯახის ცხოვრებას აშუქებს.

ქვემოთ მოცემულ ფოტოზე ქვეყანაში ერთადერთი საჯარო საცურაო აუზია ასახული.