პანტაში მამაკაცმა 12 წლის შვილი და მეუღლე მოკლა. ინციდენტს შემთხვევით გადაურჩა მეორე შვილი რუდი, რომელიც შემთხვევისას სკოლაში იმყოფებოდა.
რუდის თქმით, როდესაც ის სკოლიდან სახლში დაბრუნდა, აღმოაჩინა, რომ მამა დივანზე იწვა, ხოლო დედა და მისი ძმა საძინებელ ოთახში გარდაცვლილები იყვნენ.
მამაკაცმა შვილისა და მეუღლის მკვლელობა აღიარა. ამასთანავე დასძინა, რომ თავდაპირველად ცოლი მოკლა, ხოლო შემდეგ მძინარე შვილი.
გარდაცვლილთა ოჯახის წევრები აცხადებენ, რომ მამაკაცი მეუღლესა და შვილებს მოკვლით მანამდეც ემუქრებოდა.
დამნაშავე დაკავებულია. სასამართლო პროცესი ჯერ არ გამართულა.