გამოცემა UPI-ს ცნობით, ლონდონის მეტროპოლიტენის მუშაობა პარალიზებული იქნა გედის გამო, რომელიც ლიანდაგზე იმყოფებოდა. გედის გამო მატარებლები ერთი საათით გაჩერდნენ.

სადგურ South Acton -ზე მგზავრები უჩვეულო სურათის მომსწრენი გახდნენ. ლიანდაგზე თეთრი გედი იჯდა და ადგილის დატოვებას არ აპირებდა. ხალხის ყვირილმა, რომლებიც ცდილობდნენ ფრინველის შეშინებას, შედეგი არ გამოიღო.

პრობლემის მოსაგვარებლად მეტროს თანამშრომლები გამოიძახეს. სანამ ისინი ცდილობდნენ გედის უსაფრთხოდ გადაყვანას, მატარებლის 14 მარშრუტი გაუქმდა და გადამისამართდა.

"ჩიტი დეზორიენტირებული იყო და არ იცოდა რა ექნა. მას წონა დიდი ჰქონდა და დიდი ალბათობით გედს უბრალოდ არ შეეძლო გაფრენა." - ნათქვამია განცხადებაში.

ფრინველის გადარჩენის შემდეგ ის ვეტერინარებს გადაეცათ. ექიმებმა გედი გამოიკვლიეს, რის შემდეგაც ფრინველი გაუშვეს.