16 იანვარს დაბადებიდან 90 წელი შეუსრულდა ქართული თეატრის და კინოს ისტორიაში ერთ-ერთ ყველაზე გამოჩენილ მსახიობს ოთარ მეღვინეთუხუცესს., საბჭოთა კავშირის სახალხო არტისტს (1979), ორგზის საქართველოს სსრ-ის სახელმწიფო პრემიის ლაურეატს (1977, 1981), ტოკიოს საერთაშორისო კინოფესტივალის პრიზის მფლობელს (1991).

ამის გარდა მსახიობი არის რუსთაველის პრემიის ლაურეატი და ღირსების ორდენის კავალერი, აგრეთვე სტამისლავსკის პრემიის ლაურეატი და სხვა.

მსახიობის გარდაცვალებიდან 2 წლის შემდეგ, ქალაქ თბილისში, 2015 წლის 16 იანვარს, მის 83 წლისთავზე 9 აპრილის ბაღში დაიდგა მისი ძეგლი. ძეგლის ავტორია მოქანდაკე ლევან ვარდოსანიძე.

ოთარ მეღვინეთუხუცესის სამსახიობო კარიერა იწყება 1954 წლიდან, როდესაც დაასრულა თეატრალური ინსტიტუტის სამსახიობო ფაკულტეტი.

1954-1967წწ. იყო კოტე მარჯანშვილის სახელობის თეატრისა და 1967-1975წწ. რუსთავის სახელობის დრამატული თეატრის მსახიობი; 1975 წლიდან კვლავ მარჯანიშვილის თეატრის მსახიობია; 1995 წლიდან ამავე თეატრის სამხატვრო ხელმძღვანელი. კოტე მარჯანიშვილის დრამატული თეატრში შესრულებული როლები: ვეზირი(ნაზიმ ჰიქმეთი, "ლეგენდა სიყვარულზე"), გიჟი რევაზი(ილია ჭავჭავაძე "კაცია ადამიანი?!"), ქარიყლაპია(ვალერიან კანდელაკი, "მაია წყნეთელი"), ჩონთა(ვაჟა-ფშაველა "მოკვეთილი"), ლორდ ლეველი(უილიამ შექსპირი, "რიჩარდ მესამე"), ოიდიპოსი(სოფოკლე, "ოიდიპოს მეფე"), რომულუს ავგუსტუსი(ფრიდრიხ დიურენმატი, "რომულუს დიდი") ოტელო(უილიამ შექსპირი "ოტელო") და სხვ.; რუსთავის სახელმწიფო დრამატული თეატრი: სირანო(ედუარდ როსტანი, "სირანო დე ბერჟერაკი"), ნიკოლოზ პირველი(ვადიმ კოროსტილევი "ასის წლის შემდეგ"), სატინი(მაქსიმ გორკი, "ფსკერზე") და სხვ.; მოსკოვის სამხატვრო თეატრი: კრეონი(ჟან ანუი "ანტიგონე", რეჟ.: თემურ ჩხეიძე); შესრულებული აქვს 20-მდე კინო როლი: ჯამბულატი("ფატიმა" ), გიგა ბეთანელი("კეთილი ადამიანები"), ჯოყოლა("ვედრება"), მეფე გიორგი("დიდოსტატის მარჯვენა"), არზაყანი("მთვარის მოტაცება"), ელიოზი("ნატვრის ხე"), დათა("დათა თუთაშხია"), ისიდორე("თეთრი ბაირაღები") და სხვ.

ქვემოთ წარმოდგენილ ქვიზში 10 კითხვაა ორი სავარაუდო პასუხით, გაერთეთ და გაუზიარეთ მეგობრებს!

Loading...