ჯერ კიდევ უძველესი დროიდან ქალებს სხვადასხვა სასტიკი საშუალებით ამცირებდნენ და აწამებდნენ. დღემდე, ზოგიერთ განვითარებულ ქვეყანაში ქალთა შრომის დისკრიმინაციის პრობლემა არსებობს, ნაკლებად განვითარებული ცივილიზაციის მქონე ქვეყნებში კი ამ დროისთვის ჯერ კიდევ დგას როგორც ძალადობის, ასევე ქალთა მონობისა და მათი უუფლებობის პრობლემა.

გაუპატიურება

ინდოეთში თუ მამაკაცი ცოლს გააუპატიურებს, ის სრულიად დაუსჯელი დარჩება, ისევე როგორც მისი ცემის შემთხვევაში. ანალოგიური სიტუაცია არსებობს განვითარებულ ქვეყნებშიც, მაგალითად, გერმანიაში, ძალადობა მხოლოდ იმ შემთხვევაში დაისჯება, თუკი გოგონას მხრიდან მოძალადის მიმართ წინააღმდეგობას ექნება ადგილი, მაგრამ თუ ქალბატონი ალკოჰოლური ან ნარკოტიკული საშუალებების ზემოქმედების ქვეშ იქნება მაშინ მოძალადე დაუსჯელი დარჩება.

თუ იგივე ძალადობა საუდის არაბეთში მოხდება, მაშინ შეურაცხყოფილმა ქალმა მოწმედ 4 მამაკაცი უნდა მოძებნოს, რომლებიც მის წინაღმდეგ განხორციელებული ძალადობის აქტს დაადასტურებენ, რაც პრაქტიკულად შეუძლებელია, ხოლო იმ შემთხვევაში თუკი ქალი ბრალდებას ვერ დაამტკიცებს, მას მეძავად მონათლავენ და კიდევ გააუპატიურებენ.

არასრულწლოვანი ცოლები

აზიისა და აღმოსავლეთის ქვეყნების ღარიბი ოჯახების უმეტესობაში გოგონების გაყიდვა ძალიან გავრცელებული მოვლენაა. გაყიდული გოგონების უმეტესობა პირველივე საქორწინო ღამის შემდეგ იღუპება, ხოლო თუ ვინმე გადარჩენას მოახერხებს, მაშინ მისთვის მშობიარობა სიცოცხლის შენარჩუნების კიდევ ერთი მცდელობა იქნება.

12 წლამდე გოგონები უფრო ძვირად ფასობენ, ამიტომ მრავალშვილიანი ოჯახების უმეტესობა ცდილობს ქალიშვილები რაც შეიძლება მალე და უფრო მაღალ ფასად გაათხოვონ.

უკან დასახევი გზა არ არის

ამერიკაშიც კი არსებობს კანონი, რომელიც ქალთა უფლებების დაცვას უარყოფს. თუ გოგონა სექსზე თავიდან დათანხმდება, მაგრამ შემდეგ აზრს შეიცვლის და უარს იტყვის, მაშინ ის მამაკაცი, რომელიც მასზე ძალას გამოიყენებს დაუსჯელი დარჩება. ამ კანონის "წყალობით" უკვე არაერთი ქალი დაზარალდა.