ახალი კვლევის შედეგებით სავარაუდოა, რომ გარკვეული ტიპის ამინდი ვირუსის გავრცელებას უშლის ხელს.

მკვლევარებმა SARS-CoV-2-ის 96, 057 შემთხვევა გააანაზლიზეს ( 2020 წლის მარტი-დეკემბერის შემთხვევები).

საფოლკის ოლქის (ნიუ-იორკი) ჯანდაცვის დეპარტამენტის მონაცემების და ყოველდღიური ამინდის ანგარიშების შერწყმით გაირკვა, რომ ქარის სიჩქარე ვირუსის გავრცელების სიხშირესთან ასოცირდება.

კერძოდ, სუსტი, ნელი ქარი ვირუსის გავრცელების რისკს ზრდის, ამ დროს გარეთ ყოფნისას მომატებულია დაინფიცირების რისკი.

თბილ და ქარიან დღეებში (როცა ქარის სიჩქარე მაღალია) კი ვირუსის გავრცელება 45%-ით იკლებს.

როდესაც ქარის სიჩქარე 5, 5 მილი/სთ-ზე ნაკლებია, ვირუსის გადაცემა უფრო სწრაფად და მარტივად არის შესაძლებელი. მეცნიერები ვარაუდობენ, რომ SARS-CoV-2-ის ვირუსულ ნაწილაკებს მაღალი სიჩქარის ქარი ფანტავს ატმოსფეროში, რაც დაინფიცირების რისკს ამცირებს.

აღსანიშნავია ისიც, რომ ცივი ამინდი ნაკლებად ხელსაყრელია გარეთ სოციალური შეკრებებისთვის, რაც თავის მხრივ მოსახლეობის გადაადგილებას და ვირუსის გავრცელებას ამცირებს.