ვექსილოლოგია
დროშებისა და მისი წარმოშობის შესახებ შემსწავლელ დისციპლინას ვექსილოლოგიას უწოდებენ (ლათ. "ვეხილლუმ" - რომაელ ლეგიონერთა დროშა). აღნიშნულ დისციპლინას ეს სახელი უწოდა ამერიკელმა მეცნიერმა უიტნი სმიტმა 1958 წ.



ვექსილოლოგია დროშის სამეცნიერო ანალიზის ყველა ასპექტს მოიცავს. დროშეი ერთიანობისა და ძალაუფლების სიმბოლოა. ყოველ მათგანს საკმაოდ რთული ბიოგრაფია აქვს. დროსებზე არსებული სიმბოლოები და დევიზები ქვეყნის საშინაო და საგარეო მდგომარეობის მიხედვით იცვლება. დროშიდან შეიძლება ამა თუ იმ ქვეყნის ისტორიის ამოკითხვა.
დროშა თავისი შინაარსით არის:
1. სახელმწიფო
2. სამხედრო საზღვაო
3. სასიგნალო
4. სავაჭრო
და სხვ.
სამხედრო დროშა სამხედრო ნაწილის სიმბოლოა. იგი გაჩნდა ძველი აღმოსავლეთის სახელმწიფოებში: ინდოეთში, ჩინეთში და ა.შ.

სამხედრო საზღვაო დროშა განსაზღვრავს სამხედრო ხომალდის ამა თუ იმ სახელმწიფოს კუთვნილებას. იგი გაჩნდა ძველ რომში და დამკვიდრდა მე-16-18 სს-ში. საყოველთაოდაა ცნობილი მეკობრეთა შავი დროშა "მხიარული როჯერი" თავისა ქალითა და გადაჯვარედინებული ძვლებით, რომელიც შისის ზარს სცემდა ყველას.

ძვ. წ. მე-2-1 სს-ის მიჯნაზე რომის სამხედრო და პოლიტიკურმა მოღვაწემ გაიუს მარიუსმა (დაახლ, ძვ წ 157-65) ჯარში შემოიღო მაუდის დროშები, რომლებიც რომაელი ისტორიკოსის ტიტუს ლივიუსის ( ძვ. წ 59 - ახ წ. 17 წწ) აღწერით, ჰორიზონტალურ წანწლაზე დამაგრებული ოთხკუთხა ფორმის ქსოვილი იყო. დროშათა ამ სახეობას ეწოდა "ვექსილუმი".

ქართული დროშისთვის ტრადიციული იყო წმინდა გიორგის გამოსახულება, რომელიც ბრძოლაში მისი მფარველობის მოპოვებას ნიშნავდა. ვარაუდობენ, რომ თეთრ დროშაზე ჯვრის გამოსახვა დავით აღმაშენებლის (1089-1125) დროს შემოიღეს. 1375 წელს ბარსელონაში ანონიმი კატალონიელი ბერის მიერ გამოქვეყნებულ მსოფლიო ქვეყნების უძველეს ატლასში აღწერილია ქართული 4 დროშა.

მესამე ჯვაროსნული ლაშქრობის (1189-1192) ერთ-ერთმა წინამძღოლმა ინგლისის მეფე რიჩარდ 1-ლმა ლომგულმა ( 1157-1195) წმინდა გიორგი თავის მფარველად აირჩია, ხოლო მისი ფარის ფერთა შეხამება თეთრი ფარი წითელი ჯვრით გადაიტანა ინგლისის დროშაზე. ასე გაჩნდა ბრიტანეთის დროშის საფუძველი თეთრი ტილო წითელი ჯვრით.

1603 წელს ინგლისში გამეფდა შოტლანდიის მეფე ჯეიმზ 1-ლი, რომელმაც 1605 წელს გააერთიანა ინგლისისა და შოტლანდიის დროსები: ერთ სიბრტყეზე მოათავსეს ინგლისური დროშა და შოტლანდიური ლურჯი დროშა ირიბი თეთრი ე.წ. წმინდა ანდრიას ჯვრით. გაერთიანებულ დროშას შემოკლებით "გაერთიანებული ჯეკი უწოდეს. ინგლისის დროშამ დღევანდელი სახე 1801 წელს მიიღო, როცა "იუნიონ ჯეკს" კიდევ ერტი ჯვარი დაემატა - წმინდა პატრიკის ირიბი წითელი ჯვარი თეთრ ფონზე (ირლანდიელთა კათოლიკური სიწმნინდე)