დღეს დედოფლისწყაროს მუნიციპალიტეტის 2021 წლის მოწვევის საკრებულოს პირველი სხდომა გაიმართა. პრიცესი ხმაურისა და დაპირისპირების გარეშე წარიმართა, თუმცა ნაციონალური მოძრაობის წევრებმა სესია დროზე ადრე დატოვეს.

.

ახლად არჩეული საკრებულოს პირველი სხდომა საოლქო საარჩევნო კომისიის თავმჯდომარემ, დავით ნასრაშვილმა გახსნა, რომელმაც სესიაზე დამსწრე საზოგადოებას 2 ოქტომბერს ჩატარებული თვითმმართველობის არჩევნების შედეგები გააცნო და სიტყვა საკრებულოს უხუცეს წევრს გიორგი გოგილაშვილს გადასცა.

.

2 ოქტომბრის თვითმმართველობის არჩევნების შედეგად დედოფლისწყაროს მუნიციპალიტეტის საკრებულოში სულ 30 წევრია. აქედან, 10 მაჟორიტარული წესით, 20 კი პროპორციული სიით არჩეული. 30 წევრიდან მპგ “ქართულ ოცნებას“ 24 წარმომადგენელი ჰყავს, ნაციონალურ მოძრაობას 5, ხოლო სახალხო პარტიას 1 წევრი.

.

საკრებულოს თავმჯდომარის თანამდებობაზე ნუგზარ პაპიაშვილის კანდიდატურა დასახელდა. ის წინა მოწვევის საკრებულოს თავმჯდომარეც გახლდათ. წარმოდგენილი კანდიდატურა ფარული კენჭისყრის შედეგად, ხმათა უმრავლესობით იქნა არჩეული.

.

ასევე, ხმათა უმრავლესობა მოიპოვა საკრებულოს თავმჯდომარის პირველი მოადგილისა და მოადგილეების კანდიდატურებმაც. საკრებულოს თავმჯდომარის პირველ მოადგილედ კვლავ გოჩა სამუკაშვილი აირჩიეს. სიახლეა ისიც, რომ დაემატა ორი მოადგილე. მოადგილეებად გივი გიგაური და დავით ალუღიშვილი აირჩიეს.

.

ნაციონალური მოძრაობის თავმჯდომარე ლევან ბაღაშვილმა განაცხადა, რომ პიროვნულად საწინააღმდეგო არაფერი აქვს, თუმცა თანამდებობის პირთა ასარჩევად კენჭისყრაში მონაწილეობისგან ნაციონალურმა მოძრაობამ თავი შეიკავა.

.
დღესვე საკრებულოს წევრებმა ფარული კენჭისყრით აირჩიეს კომისების თავმჯდომარეებიც: საფინანსო-საბიუჯეტო კომისიას მამუკა სეფიაშვილი უხელმძღვანელებს, სოციალური, კულტურის, განათლების და ახალგაზრდულ საქმეთა კომისიას მიხეილ ბახუტაშვილი, ეკონომიკისა და ქონების მართვის საკითხთა კომისიას არსენა ბაღაშვილი, სივრცით–ტერიტორიული დაგეგმარების, ინფრასტრუქტურის და ბუნებრივი რესურსების კომისიას ნიკოლოზ ხუციშვილი, იურიდიულ საკითხთა კომისიას გიორგი გოგილაშვილი.

როგორც დედოფლისწყაროს ტელევიზიამ გაარკვია, მცირდება ფრაქციების რაოდენობა. წინა წლებისგან განსხვავებით ამჯერად თითო პარტიას მხოლოდ ერთი ფრაქციის შექმნა შეუძლია. ხალი მოწვევის საკრებულოში ორი ფრაქცია იქნება წარმოდგენილი. ფრაქცია „ქართული ოცნება-დემოკრატიული საქართველოს“ ნუგზარ ყოჩიაშვილი უხელმძღვანელებს, ფრაქცია „ერთიან ნაციონალური მოძრაობას“ კი ლევან ბაღაშვილი.

.
სხდომის დასარულს შეიქმნა საკრებულოს ბიურო შემდეგი შემადგენლობით: ნუგზარ პაპიაშვილი, გოჩა სამუკაშვილი, გივი გიგაური, დავით ალუღიშვილი, მამუკა სეფიაშვილი, მიხეილ ბახუტაშვილი, არსენა ბაღაშვილი, ნიკოლოზ ხუციშვილი, გიორგი გოგილაშვილი, ნუგზარ ყოჩიაშვილი და ლევან ბაღაშვილი.

.

ახალი საკრებულოს წევრების სია

ქართული ოცნება

.

1 ნუგზარი პაპიაშვილი

2 დავით ალუღიშვილი

3 მაია ცისკარაული

4 მამუკა სეფიაშვილი

5 ნუგზარ ყოჩიაშვილი

6 ლელა ჭინჭარაული

7 გია ფუტკარაძე

8 ვასილი ჩოვუშიან

9 ირინე ფოცხვერაშვილი

10 მიხეილ ბახუტაშვილი

11 პავლე თავაძე

12 ლალი იაკობიშვილი-ჩერქეზიშვილი

13 ლევან ოზბეთელაშვილი

14 კახა წიკლაური

15. გოჩა სამუკაშვილი - ქ დედოფლისწყაროს მაჟორიტარი

16 ივანე ნატროშვილი - ზემო მაჩხაანი, მირზაანის მაჟორიტარი

17 არსენა ბაღაშვილი - არბოშიკი, ოზაანის მაჟორიტარი

18 გივი გიგაური - გამარჯვების მაჟორიტარი

19 გიორგი გოგილაშვილი - ხორნაბუჯის მაჟორიტარი

20 სიმონ წიკლაური - არხილოსკალოს მაჟორიტარი

21 ავთანდილ ხუმარაშვილი - ქვემო ქედის მაჟორიტარი

22 სიმონ ყოჩიაშვილი - სამრეკლოს მაჟორიტარი

23 ნიკოლოზ ხუციშვილი - ზემო ქედის მაჟორიტარი

24 ავთანდილ შაინიძე - სამთაწყარო ფიროსმანი

.

ოპოზიცია

1 ლევან ბაღაშვილი - ნაცმოძრაობა

2 ლევან იაკობიშვილი - ნაცმოძრაობა

3 ნატალია ქადაგიძე - ნაცმოძრაობა

4 ლევან მჭედლიშვილი - ნაცმოძრაობა

5 დავით ჯიბღაშვილი - ნაცმოძრაობა

6 შალვა ბატიაშვილი - სახალხო პარტია

.