"ჩემი საყვარელი ბიჭის დაბადების დღე დადგა. სიკვდილის აღარ მეშინია, ამ ქვეყნიდან მისი წასვლის შემდეგ. როდის შევხვდებით, არ ვიცი, მაგრამ ვიცი რომ აუცილებლად შევხვდებით.ვაკოცებ და პირველი, რასაც ვეტყვი, როგორ მომენატრე ბიჭოთქო. ეთერში ვზივარ ახლა და რომ ვიცოდე სადმეა და ცოცხალია, მივყრიდი ყველაფერს, სტუდიიდან გავიქცეოდი და ბევრს ვაკოცებდი. დაბადების დღეს გილოცავ, ჯაკო." წერს სოციალურ ქსელში ინგა გრიგოლია და ვიდეს აზიარებს, სადაც ჟურნალისტის, -ლევან ჩხაიძის, იგივე "ჯაკოს" დაბადების დღეა აღბეჭდილი.

შეგახსენებთ, "ტვ პირველის" ჟურნალისტი, ლევან ჩხაიძე 2019 წლის 21 იანვარს ქალაქ ბუდაპეშტში გარდაიცვლა, გარდაცვალების მიზეზად თრომბი დასახელდა. ჟურნალისტი 8 ნოემბერს 36 წლის გახდებოდა.

ლევან ჩხაიძე ტელეკომპანია „პირველში“ ბოლო ერთი წლის განმავლობაში მუშაობდა. მანამდე იყო"იმედი”, “მაესტრო”, “იბერია”, “რადიო მაესტრო”მას „იბერიას“ ეთერში გადაცემა „ცენზურის გარეშე“ მიჰყავდა.