რა შეიძლება გამოიწვიოს მწერის, მაგალითად კოღოს ან ფუტკრის კბენამ? შეიძლება თუ არა, რომ ადამიანს შოკი განუვითარდეს?

ყველაზე პოპულარული მკბენარები კოღო, ფუტკარი და კრაზანა არიან.ადამიანის ორგანიზმი მწერის ნაკბენზე სხვადასხვაგვარად რეაგირებს.ადგილობრივ რეაქციას ყველა კარგად იცნობს:ნაკბენი მყისვე წითლდება და შუპდება, რასაც თან დევს ტკივილი, წვა, ქავილი, ჩხვლეტა.ყველაზე ძლიერ შუპდება მგრძნობიარე უბნები: ქუთუთოები, ტუჩები, ლოყები, ენა.გაცილებით მძიმედ მიმდინარეობს საერთო რეაქცია, რომელსაც ტოქსიკური ან ალერგიული ხასიათი აქვს.პირველი მაშინ ვითარდება, როდესაც თავს ათეულობით მწერი გვესხმის.ამ დროს სხეული მქავანა ჭინჭრისებრი გამონაყარით იფარება, ადამიანს უწევს სიცხე, ეწყება ძლიერი თავის ტკივილი, ღებინება, მძიმე შემთხვევაში - ბოდვა და კრუნჩხვები.

ალერგიული რეაქცია, რომელიც ფუტკრის შხამზე ვითარდება, შედარებით იშვიათია - შემთხვევათა 1-2%-ში თუ იჩენს თავს.მას ახასიათებს ჭინჭისებრი გამონაყარი.ყველაზე საშიში შედეგი, რაც კბენას შეიძლება მოჰყვეს, ანაფილაქსური შოკია, ამ დროს ადამიანი გონებას კარგავს.