90 -იან წლებში ქეით მოსი და ჯონი დეპი წითელი ხალიჩის ერთ -ერთი ყველაზე გამოკვეთილი წყვილი იყო. მათი რომანი ლეგენდად, ერთგვარ ბრენდადაც კი იქცა, ხოლო მედიამ მოდელისა და მსახიობის სიყვარულის ისტორიას - "კოკაინის რომანი" უწოდა. ჰოლივუდის მსახიობმა, მოდელი 1994 წელს გაიცნო, რის შემდეგაც მათი სასიყვარულო ურთიერთობაც დაიწყო. ვერ ვიტყვით რომ მათი ეს ტანდემი სკანდალური იყო, ალბათ უფრო ეპატაჟური, გახსნილი და რაც მთავარია გულწრფელი. მათ არ რცხვენოდათ საჯაროდ ურთიერთობების გარკვევა, არ ეშინოდათ არც პრესაში გაკიცხვის... და სწორედ ამიტომ ეს წყვილი თავიანთი ეპოქისთვის ერთგვარ სიმბოლოდაც კი იქცა.

ფოტოების მიხედვით, ძნელია ვიმსჯელოთ როგორი იყო მეოცე საუკუნის ბოლო პერიოდის ყველაზე გამოკვეთილი შეყვარებული წყვილის სიყვარული, მაგრამ ამ კადრებზე მაინც არის აღბეჭდილი ის მზერა, ღიმილი, ამბორი და ჩახუტება - რაც (გარკვეულწილად) გრძნობების ერთგვარ გამოხატულებად მიიჩნევა.