არ არსებობს სხვა საშუალება, გარდა იმისა, რომ ამ ამბის გაშუქებისას დინებას მიჰყვე, არ გაქვს იმის შესაძლებლობა რისკების და ზიანის შეფასებაზე იფიქრო, რა თქმა უნდა, მედიის მუშაობას იმავე სტანდარტებით ვერ შეაფასებ, როგორადაც ჩვეულებრივ ვითარებაში შეაფასებდი. მეორე, როდესაც ადამიანის მკვლელობის ვიდეო ჭეშმარიტად საზოგადებრივი ინტერესის მატარებელია, რაც იყო ფლოიდის მკვლელობის ვიდეოს შემთხვევაში, რადგან ეს ვიდეო იყო იმის მტკიცებულება, რომ ფლოიდი არავითარ საფრთხეს არ წარმოადგენდა პოლიციელისთვის და უბრალოდ სასტიკად გაიმეტეს, ამ შემთხვევაში ცხადია არათუ გამართლებულია, მედია ვალდებულია ეს აჩვენოს.