დიზაინერები გვთავაზობენ კარგად მოვერგოთ გარემოს.

მათ შემოდგომა-ზამთრის კოლექციებში ნახატებად გამოიყენეს ინტერიერის დეტალები.

Balenciaga-ვიქტორიანული დროის შპალერი

ნიკოლა ჰეკსიერის შთაგონების წყარო გახდა ვიქტორიანული ეპოქის შპალერი-ვარდები და სამოთხის ბუჩქები მასზე მსხდომი მომღერალი ჩიტებით. აბრეშუმის ქვედაბოლოები იმეორებდა ამ ნახატებს.

Mary Katrantzou-ფაიფური

ზაფხულში მერი კატრანზუ გვთავაზობდა ფანჯრის ჩარჩოების, ტერასების ფრაგმენტების პრინტებიან კაბებს.

საშემოდგომო კოლექციაში კი ლონდონელმა დიზაინერმა ამოქექა მეისენის ფაიფურის მანუფაქტურის არქივი, შედეგად მოდელები მის ჩვენებაზე საქსონურ ლარნაკებს მოგვაგონებდნენ.

Prada-ხელოვნური ბეწვი

ხელოვნური გრძელი ბეწვით იყო გაწყობილი პრადას პალტოები და კაბები. სწორედ ასეთი ბეწვით იყო გაფორმებული გემი ბარბარელა ფილმიდან ბარბარელა, რომელშიც მთავარ როლს ჯეინ ფონდა თამაშობდა.

Сéline-ხის ფაქტურა

ფიბი ფილოს შთაგონების წყარო გახდა დამუშავებული პილომასალა, მისი მოდელები იმეორებდნენ ხის პანელების ნახატებს, რომლითაც აფორმებენ მთის კურორტების, ბიბლიოთეკების და კაბინეტების ინტერიერს.

Proenza Schouler-ინდიელთა მემკვიდრეობა

ჯეკ მაკკალოუმ და ლაზარო ერნანდესმა ყურადღებით შეისწავლეს ნავახოს ინდიელთა ტომის ყოფა, რომლებიც ამჟამად არიზონას რეზერვაციაში ცხოვრობენ. მისთვის დამახასიათებელი ნახატები დიზაინერებმა გამოიყენეს შარვლების, სვიტერების და ქვედაბოლოების შექმნისას.

Christopher Kane-როტანგი

ტექსტილის ბოჭკოების დაწვნის ტექნიკა, რომელიც დიზაინერმა გამოიყენა, ფართოდ არის ცნობილი ინტერიერის დიზაინში. მსგავსი მეთოდით აზიაში ამზადებენ სავარძლებს, დივანს და შირმებს.

Akris-იუგენდსტილი

გერმანული დარმშტადტეს საქორწილო კოშკი მოდერნის სტილში დააპროექტა არქიტექტორმა იოზეფ ოლბრიხმა. აკრისის შემოდგომის კოლექციაში გამოყენებულია ამ შედევრის ფოტოპრინტები.