ეს კერძი ანტალიის ბევრი ძვირიანი სასტუმროს რესტორნის მენიუშია და წიწაკის ტოლმისგან განსხვავებით, ხორცის გარეშე მზადდება. თუმცა, ბევრად უფრო გემრიელია! ხოლო, დახვეწილი გემოს საიდუმლო, სანელებლებში და გულსართის კარგად შერჩეულ ინგრედიენტებშია.

ინგრედიენტები:

ბულგარული წიწაკა (მწვანე ან წითელი) — 12 ცალი

კარტოფილი — 7 ცალი

ხახვი — 1 ცალი

სტაფილო — 1 ცალი

პომიდორი — 3 ცალი

ქამასოკო — 200 გრ.

ზეთი — 110 მლ.

არაჟანი — 2 ს. კ.

ნაღები — 100 მლ.

მარილი — 2 ჩ. კ. (ან გემოვნებით)

პიტნა — 1 ჩ. კ.

დაფქული წითელი წიწაკა — 1 ჩ. კ.

წყალი — 200 მლ.

კამა და ხახვი — თითო კონა.

ტომატი — 3 ს. კ.

მომზადება:

I. ხახვი დაჭერით კუბიკებად > მსხვილ სახეხზე გახეხეთ სტაფილო > ეს ინგერდიენტები ერთმანეთს შეურიეთ და 3–4 წუთი, საშუალო ცეცხლზე მოთუშეთ ზეთში.

II. დაჭერით კუბიკებად ნიორი და სოკო > დაამატეთ უკვე მოთუშულ ინგრედიენტებს და კიდევ 5 წთ–ის მანძილზე თუშეთ.

III. დაჭერით მწვანილი და დაამატეთ ბოსტნეულს.

IV. ბულგარულ წიწაკას მოაცილეთ ყუნწი და თესლი > დაასხით ადუღებული წყალი და 10 წთ. გააჩერეთ მასში.

V. მსხვილ სახეხზე გახეხეთ კარტოფილი > გაფრცქვენით და წვრილად დაჭერით პომიდორი > ეს ორი ინგრედიენტი ერთ თასში მოათავსეთ > დაამატეთ დაჭრილი მწვანილი, ხახვი, არაჟანი, ნაღები და სანელებლები > შეურიეთ ერთმანეთს თასში და ტაფაში მოთავსებული ინგრედიენტები.

VI. გულსართით შეავსეთ წიწაკა და ჩააწყეთ ისეთ ქვაბში, რომ მომზადების პროცესში, ფეხზე იდგეს > წყალს შეურიეთ ტომატი (ტომატის ნაცვლად, შეგიძლიათ 2–3 პომიდორი დაჭრათ და წიწაკებს შორის ჩაალაგოთ) და ჩაასხით წიწაკებს შორის > მოაყარეთ ზემოდან 1 მწიკვი მარილი.

VII. დადგით ქვაბი საშუალო ცეცხლზე და ხარშეთ 1 სთ-ს მანძილზე.