როგორ შეიძლება ნორვეგიაში მოხუცი ქალის წყენინება ავტობუსში ადგილის დათმობით? რატომ არ შეიძლება ჩინეთში დიასახლისისთვის ყვავილების ჩუქება? რამდენად ჭკვიანები არიან დათვები და როდის მოკლეს ინგლისში ბოლო მგელი? ეს და კიდევ მრავალი სხვა გემრიელი საზრდო აზროვნებისთვის, აქ თავმოყრილია ყველაზე განსხვავებული და წარმოუდგენელი ფაქტები მთელი მსოფლიოდან და სხვადასხვა ისტორიული ეპოქიდან.

ნორვეგიაში ხანდაზმულისთვის ტრანსპორტში ადგილის დათმობა მიღებული არ არის. ითვლება, რომ ამით ხაზს თქვენს ფიზიკურ უპირატესობას უსვამთ.

შტატებში რესტორანში ქალის ნაცვლად გადახდა კარგ ტონად არ ითვლება, ვინაიდან ამერიკელი ქალბატონების აზრით, ამით მამაკაცები თავიანთ ფინანსურ უპირატესობას უსვამენ ხაზს.

ჩინეთში დიასახლისისთვის სახლში ყვავილების მიტანა მიღებული არ არის. ითვლება, რომ ამით სტუმარი ხაზს უსვამს იმ ფაქტს, რომ სახლი იმდენად ულამაზოა, რომ მის მოსართავად სამშვენისი თავად მიაქვს.

1937 წლამდე ნიუ – ჯერსის პლაჟებზე მამაკაცის შიშველი ტორსით გამოჩენა აკრძალული იმ მოტივით იყო რომ მოსახლეობას "თავიანთ პლაჟებზე გორილების ხილვა არ სურდა".

გერმანიაში პირველი ხელოვნური ნაძვის ხეები ბატის შეღებილი ბუმბულისგან მზადდებოდა.

სანტა - კლაუსის ირემთა უმეტესობას მამრობითი სახელი აქვს, მაგრამ გამომდინარე იქიდან რომ მამალი ირმები საშობაოდ რქებს იცვლიან, სწორედ ამიტომ სანტები დედალ ან დაკოდილ ირმებთან ერთად მოგზაურობენ.

1870 წლამდე აბორტის გაკეთების ერთ-ერთი ყველაზე გავრცელებული გზა ჯანმრთელი კბილის ამოღება იყო. ითვლებოდა, რომ ტკივილს შეეძლო სპონტანური აბორტისთვის ხელი შეეწყო (სპონტანური აბორტი ვითარდება ქალის ორგანიზმზე ან ნაყოფზე უშუალო ზემოქმედების გარეშე. მისი გამომწვევი მიზეზებია ფიზიკური და ფსიქოლოგიური ტრავმები (სიმძიმის აწევა, დაცემა, მუცლის დაშავება, მძიმე განცდა) და თვით ნაყოფის დაავადებანი.

ძველ რომში კოსმეტიკური ქირურგიის პრაქტიკას იყენებდნენ. კაცები ზურგზე ნაწიბურებს იშორებდნენ რადგან ის სამარცხვინოდ ითვლებოდა. მსგავსი ნაჭრილობევის შემთხვევაში შეიძლება ვინმეს ეფიქრა რომ ბრძოლის დროს მეომარმა მტერს ზურგი აქცია.

არის შემთხვევები, როდესაც დათვები ქვებს ხაფანგში ყრიდნენ, რათა მისი ამოქმედებისას სატყუარას მშვიდად შექცეოდნენ.

1927 წლიდან ბრიტანეთის არმიაში შუბი ოფიციალურ იარაღად აღარ ითვლებოდა.

ბევრი მეზღვაური ოქროს საყურეებს ატარებდა, რათა მოულოდნელი სიკვდილის შემთხვევაში ისინი ღირსეულად დაეკრძალათ.

ინგლისში ბოლო მგელი 1500 წელს მოკლეს, ირლანდიაში - 1770 წელს, დანიაში კი - 1772 -ში.

ბრიტანეთის საზღვაო ძალების კანონის თანახმად, ზღვაში დაკრძალვისას, სხეულს ტომარაში ათავსებდნენ. ბოლო ნაკერს მიცვალებულის ტუჩებზე უნდა გაევლო, რათა დარწმუნებულიყვნენ რომ ადამიანი ნამდვილად გარდაცვლილი იყო.