მსოფლიოს ყველაზე მდიდარი ადამიანი, ამაზონის დამფუძნებელი ჯეფ ბეზოსი კოსმოსში გაემგზავრება მისი კომპანიის Blue Origin-ის ხომალდ New Shepard-ით.

"ხუთი წლის ასაკიდან ვოცნებობდი კოსმოსში გამგზავრებაზე. 20 ივლისს ჩემს ძმასთან ერთად წავალ ამ მოგზაურობაში. უდიდესი თავგადასავალი იქნება ჩემს საუკეთესო მეგობართან ერთად." - წერს ბეზოსი ინსტაგრამზე.

მანამდე Blue Origin– მა დაიწყო ონლაინ აუქციონი ერთი სამგზავრო ადგილის გათამაშებისთვის, მრავალჯერადი გამოყენების სუბორბიტალურ ხომალდზე New Shepard-ზე. შედეგები გამოცხადდება 12 ივნისს ონლაინ რეჟიმში რეალურ დროში ვაჭრობის დროს. ფრენა დაგეგმილია 20 ივლისს. კომპანიამ თქვა, რომ ბეზოსი აუქციონის გამარჯვებულთან ერთად გაფრინდება.

Blue Origin- მა ხომალდ New Shepard-ის 15 ახალი სატესტო ფრენა ჩაატარა, ბოლოს ფრენა იყო აპრილის შუა რიცხვებში.