კინო
როგორ გამოიყურება 73 წლის ამაზონელი ზულა "კონანიდან"? თვალებს არ დაუჯერებთ!
2021, 7 ივნისი, 17:19
ბევრ თქვენგანს ალბათ, ემახსოვრება ექსტრავაგანტური გარეგნობის მქონე ცნობილი იამაიკელი მოდელი, მომღერალი და მსახიობი გრეის ჯონსი. მან მსოფლიო პოპულარობა თავისი საოცარი ხმის ტემბრის გარდა, ასევე ისეთ ფილმებში მონაწილეობითაც მოიპოვა, როგორებიცაა - "ხედი მკვლელობაზე" და "კონანი გამანადგურებელი".
გოგონა ბრიტანეთის მიერ კოლონირებულ იამაიკაში 1948 წლის 19 მაისს, სასულიერო პირის ოჯახში დაიბადა, რომელიც ასევე პოლიტიკითაც იყო დაკავებული. ჯონსი საკმაოდ მკაცრ პირობებში იზრდებოდა.
გრეისი ბავშვობის ასაკიდან მუდამ დესპოტი მამის კონტროლის ქვეშ იყო. ის აკეთებდა ყველაფერს, რათა გოგონას საკუთარი ოჯახი არ "შეერცხვინა", ამიტომ მან შვილს სიმღერაც კი აუკრძალა, რადგან თვლიდა, რომ მის ხმას მხოლოდ უფლის სადიდებლად უნდა ეჟღერა.
ჯონსი საკუთარ მძიმე ბავშვობას ყოველთვის სევდით სავსე იხსენებდა, ასე გრძელდებოდა მამის მკაცრი კონტროლის ქვეშ ცხოვრება წლების განმავლობაში მანამ, სანამ ისინი ოჯახთან ერთად საცხოვრებლად ნიუ - იორკში არ გადავიდნენ. იქ კი, 13 წლის ასაკში, გოგონა თავის მასწავლებელთან ერთად ჰიპების ფესტივალზე გაიპარა, რის შემდეგაც მისი ცხოვრება რადიკალურად შეიცვალა.
18 წლის ასაკში მან მამის დირექტივების შესრულებაზე უარი თქვა და სამუშაოდ სამოდელო ბიზნესში წავიდა. თავისი უჩვეულო გარეგნობის გამო, გრეისი პოპულარული მალევე გახდა, მისი ხილვა პარიზის პოდიუმებზე სულ უფრო ხშირად იყო შესაძლებელი.
ცოტა ხნის შემდეგ, გრეისის როგორც ნიჭიერი მომღერლის შესახებ ყველამ გაიგო, რასაც კინოში მისი დებიუტიც მოჰყვა.
მრავალმილიონიანი საზოგადოების სიყვარულის მოპოვება მან არამარტო თავისი საოცარი ნიჭით, არამედ საკუთარი პიროვნების გარშემო აჟიოტაჟის შექმნის უნარის წყალობითაც შეძლო. გრეისი მამაკაცის კოსტიუმებს ატარებდა და აცხადებდა, რომ მასში მამაკაცური თვისებები ქალურთან შედარებით არანაკლები იყო. მკვეთრმა ტუჩსაცხმა, ხასხასა რუჟმა და მამაკაცურმა იმიჯმა გრეისი მე - 20 საუკუნის ბოლოს ყველაზე საყვარელ "სტილის ხატად" აქცია.
ასე მოაწყო მან თავისი ცხოვრება და, როგორც ჩანს, წარმატებითაც. ჯონსი ახლა 73 წლის არის და ალბათ დამეთანხმებით, რომ თავისი ასაკისთვის ის მართლაც მშვენიერ ფიზიკურ ფორმაში იმყოფება.
ახლა კი, გთავაზობთ გრეის ჯონსის მიერ შესრულებულ ერთ - ერთ საოცარ მისიკალურ კომპოზიციას, რომელიც ვერცერთ თქვენგანს გულგრილს ვერ დატოვებს.
