შოუბიზნესი
მშვიდობით წვრილო წელო! ჰეილი ბოლდუინს ფასთფუდის სიყვარული ძვირად დაუჯდა
2021, 5 ივნისი, 17:37
24 წლის ჰეილი ბოლდუინი მსოფლიოს ერთ-ერთი ყველაზე ცნობილი მოდელი და მედია პერსონა გახლავთ, თუმცა ყოველთვის ასე არ იყო. პოპულარულ მომღერალ ჯასტინ ბიბერზე ქორწინების შემდეგ, მასზე საუბარი მთელმა მსოფლიომ დაიწყო, და პაპარაცები ახლა კიდევ უფრო დიდი ყურადღებითა და გულისყურით აკვირდებიან ლამაზმანის ცხოვრებას.
ცოტა ხნის წინ, ფოტოგრაფებმა სანაპიროზე გოგონასთვის რამდენიმე პიკანტური ფოტოს გადაღება მოახერხეს, ხოლო მას შემდეგ, რაც კადრები ინტერნეტქსელში ვირუსივით გავრცელდა, გოგონას თაყვანისმცემელთა უმრავლესობა რბილად რომ ვთქვათ, ნანახით საკმაოდ გაოცებული დარჩა. მათი აზრით, ჰეილის წონაში აშკარად ჰქონდა მომატებული და მისი ცნობილი წვრილი წელისგან არც აღარაფერი იყო დარჩენილი.
სოციალურ ქსელში ზოგიერთმა მათგანმა ეჭვიც კი გამოთქვა მის შესაძლო ფეხმძიმობასთან დაკავშირებით, რასაც ათასობით კომენტარიც მოჰყვა. დიდი ხნის განმავლობაში გოგონა სოციალური ქსელის მომხმარებელთა პროვოკაციებს არ პასუხობდა, თუმცა რამდენიმე დღის შემდეგ, საბოლოოდ, სუპერმოდელმა ვეღარ მოითმინა და ყველა ცნობისმოყვარეს უპასუხა, რომ მისი ზედმეტი კილოგრამები არა ფეხმძიმობის მიზეზი, არამედ მისი ფასტფუდისადმი გადამეტებული სიყვარულის შედეგი იყო, რომლის წყალობითაც მან ზედმეტი, რამდენიმე კილოგრამი მოიმატა.
