90-იან წლებში არცერთი მნიშვნელოვანი ღონისძიება თუ წვეულება მოდელ კეიტ ფიშერის გარეშე არ იმართებოდა. გოგონას ხშირად ნახავდით როგორც დიდ ეკრანებზე, ასევე სხვადასხვა სახის რეკლამებსა თუ ტაბლოიდური ჟურნალების გარეკანზე, თუმცა ერთ დღესაც ეს მომხიბლავი ლამაზმანი უკვალოდ გაქრა და მხოლოდ ორიოდე წლის წინ გახდა ცნობილი, სად იმყოფება ამჟამად კეიტი და რითია ის დღესდღეობით დაკავებული.

47 წლის ექს - მოდელი ამჟამად ავსტრალიაში ციპორა მალკა ბათ ისრაელის სახელით ცხოვრობს. ის პატივს სცემს თავის ებრაულ ფესვებს, და ასევე ორთოდოქსულ იუდაიზმს აღიარებს, თუმცა მისი ერთგული თაყვანისმცემლები და პრესის წარმომადგენლები გაკვირვებულები არა იმდენად კეიტის ცხოვრების წესით დარჩნენ, არამედ უფრო მისი გარეგნული ტრანსფორმაციით: უწინდებური ვნებიანი ლამაზმანისგან კვალიც კი აღარ დარჩა.

უკვე მრავალი წელია კეიტი ინტერვიუებს არ აძლევა და პირადი ცხოვრების შესახებ არც რაიმე სახის კომენტარს აკეთებს, თუმცა ჟურნალისტებმა მოახერხეს გაერკვიათ, რომ ახლა ციპორა თერაპევტად მუშაობს და რელიგიური საზოგადოების შეხვედრებს რეგულარულად ესწრება.