იტალიური ქალაქი ჩენტურიპე სიცილიაზე, 5172 მაცხოვრებლით. ძველი წელთაღრიცხვით მე-6 საუკუნეში უკვე ყოფილა აქ დასახლება, ციცერონი კი მას როგორც სიცილიის ყველაზე დიდ და მდიდარ, ათიათასიან ქალაქად მოიხსენიებს.

1943 წლის 2-4 აგვისტოს ბრიტანული არმიის 78-ე დივიზიამ ეს ქალაქი, რომელიც მაღალ კლდოვან მწვერვალზე მდებარეობს და მაშინ მასთან მხოლოდ ერთი ციცაბო გზა ადიოდა, ბრძოლით აიღო და სათავე დაუდო სიცილიიდან ფაშისტების განდევნას. გენერალმა მონტგომერიმ აღებული ჩენტურიპე რომ ნახა, წარმოუდგენელიაო, დაიძახა, ხუთი დღის მერე კი ჩერჩილმა თემთა პალატაში გამოსვლისას ჩენტურიპეს შტურმით აღებას ერთ-ერთი უდიდესი მიღწევა უწოდა...