იცოდით, რომ ირანში გოგონები არც მეტი, არც ნაკლები სოციალურ ქსელში "უხამსი" ფოტოების გამოქვეყნების გამო რომ იდევნებიან? დამეთანხმებით, რომ ეს ყოველივე საკმაოდ უცნაურადაც კი ჟღერს მით უმეტეს, როცა გარეთ XXI საუკუნეა, თუმცა ამ მუსულმანურ სახელმწიფოში საკუთარი მკაცრად გაწერილი წესები მოქმედებს. მაგალითად, სულ ცოტა ხნის წინ, ირანის პოლიციამ 8 გოგონა მხოლოდ იმიტომ დააკავა რომ მათ ფოტო თავსაბურავის გარეშე ჰქონდათ გადაღებული, ასევე სამართალდამცავი ორგანოების სამიზნე 170 ადამიანი გახდა, მათ შორის ცნობილი მოდელები, ფოტოგრაფები და ვიზაჟისტები. ირანში თავსაბურავის გარეშე ფოტოს გადაღება პორნოგრაფიას უტოლდება. ამ ისლამურ რესპუბლიკაში კანონები ყოველწლიურად სულ უფრო და უფრო მკაცრდება, თუ რით დასრულდება ყოველივე ეს ძნელი სათქმელია, თუმცა მანამდე იმ გოგონების სრულიად უწყინარ ფოტოებს წარმოგიდგენთ, რომლებიც ზემოხსენებული მიზეზის გამო დევნის ობიექტები გახდნენ.