პიკნიკის დროს ჯიმ ტემპლტონმა თავის 5 წლის ქალიშვილს ფოტო გადაუღო, მაგრამ რას წარმოიდგენდა, რომ სწორედ ეს ფოტო გახდებოდა მთელი მსოფლიოსთვის განხილვის თემა.
ეს მოხდა 1964 წლის ზაფხულში. ოჯახმა პიკნიკი მოაწყო პატარა გორაკზე, მამამ სამახსოვროდ სურათები გადაუღო ცოლსა და შვილს. როდესაც დაბეჭდა, ერთი ფოტო აღმოაჩინა, რომელმაც დააეჭვა. ფოტოზე გოგონას უკან ჩანს კოსმონავტის სილუეტი ჩაფხუტით. ტემპლტონმა ფოტოსურათი პოლიციაში წაიღო და დაიფიცა, რომ პიკნიკზე მათ გარდა არავინ იყო. პოლიციელებმა ვერაფერი გაარკვიეს, აი ჟურნალისტებმა კი ამ ამბისგან სენსაცია შექმნეს.
ბევრმა იფიქრა, რომ ფოტოზე უბრალოდ ტემპლტონის მეუღლე გამოჩნდა შემთხვევით, რაც ლოგიკურიც იქნებოდა, მაგრამ ქალს იმ დროს სულ სხვა ფერის ტანსაცმელი ეცვა.
ფოტოსურათის შესახებ უამრავი თეორია არსებობს. თვითონ Kodak-მა კადრი სინამდვილედ გამოაცხადა და ჯილდოც დააწესა მათთვის, ვინც ამ საიდუმლოს ამოხსნიდა, თუმცა პასუხი ჯერ-ჯერობით არ აქვთ.
