მომღერალი თორნიკე ყიფიანი ევროვიზია 2021-ზე საქართველოს სახელით წარსდგება. ყიფიანი სოციალურ ქსელში სიმღერას აზიარებს და კრიტიკოსებს მიმართავს.

“ესეც ჩემი მორიგი სიმღერა, ეუროვიჟნ 2021 ისთვის, მოუსმინეთ და ისიამოვნეთ.
დიდი მადლობა საზოგადოებრივ მაუწყებელს, ბრავო რექორდს, გორის გოგონათა გუნდს, მარიკო ლეჟავას, მარიამ შენგელიას და ალეკო ბერძენიშვილს.

სამწუხაროა რომ ასეთი ნაშრომის გაპიარება, ეუროვიზიის კურკლშოუს საშუალებით გვიწევს საქართველოში არსებული სინამდვილიდან გამომდინარე.

აქვე დავწერ, შეგიძლიათ კლიპს არ უყუროთ და კიდევ ვინც ჩვენზე ცუდი რამე თქვას იმის დედასაც შევთ*არე.

უღრმესი მადლობა გვერდში დგომისთვის, დაფასებისთვის და ქომაგობისთვის.”, – წერს თორნიკე ყიფიანი.

ცნობისთვის, ევროვიზიის სიმღერის 65-ე კონკურსი 2020 წლის 12, 14 და 16 მაისს როტერდამში უნდა გამართულიყო.

საქართველო კონკურსზე თორნიკე ყიფიანს 14 მაისს უნდა წარედგინა, თუმცა პანდემიის გამო ევროვიზიის კონკურსი ვერ ჩატარდა.

გადაწყდა, რომ 2021 წლის ევროვიზიის კონკურსზე 2020 წელს შერჩეული მომღერლები მიიღებდნენ მონაწილეობას, თუმცა ახალი სიმღერებით.

2020 წელს თორნიკე ყიფიანს კონკურსისთვის სიმღერა Take Me As I Am („მიმიღე ისეთი, როგორიც ვარ“) ჰქონდა შერჩეული, რომელმაც საზოგადოების დიდი მოწონება დაიმსახურა.

,