ჰიპერრეალიზმი, თანამედროვე ხელოვნების ისტორიაში ალბათ, ერთ-ერთი ყველაზე საინტერესო ფენომენია. პირველად ეს ტერმინი 1973 წელს იზი ბრაშოს მიერ იქნა გამოყენებული და ის ამავე წელს ბრიუსელში დიდ კატალოგსა და გამოფენას ეწოდა. დღესდღეობოთ, ჰიპერრეალიზმს უწოდებენ სახვითი ხელოვნების მიმდინარეობას ფერწერასა და ქანდაკებაში, რომელიც რეალობის ფოტოგრაფიულ რეპროდუქციას (კოპირებას) ემყარება. მიუხედავად იმისა, რომ ეს მიმდინარეობა ხელოვნებათმცოდნეებს შორის კამათის საგანი არაერთხელ გამხდარა, ყველა თანხმდება რომ აღნიშნული ტექნიკა მაღალ პროფესიონალიზმს, დიდ ძალისხმევასა და წარმოუდგენელ გამძლეობას მოითხოვს.

დღეს მსურს გაგაცნოთ ნიჭიერი ხელოვანი კეროლ ფეიერმანი, ქალი რომელიც მთელ მსოფლიოში ერთ – ერთ საუკეთესო თანამედროვე მოქანდაკედ სრულიად დამსახურებულად ითვლება, მისი ნამუშევრების ხილვისას ისეთი განცდა გეუფლება, რომ ქანდაკებები ეს - ეს არის ამოისუნთქებენ და გაცოცხლდებიან.

მაშ ასე, თქვენ წინაშეა ნიუ-იორკელი ხელოვანის საოცარი სკულპტურები, რომლებიც თავისი რეალისტურობით პირველივე ნახვისთანავე მოგხიბლავთ.