ქალი და მამაკაცი თურქეთში სავარაუდოდ ქმარმა ფეხმძიმე ცოლი კლდიდან გადააგდო 2021, 18 თებერვალი, 14:27  40 წლის ჰაკან აისალი თურქეთიდან ბრალდებულია საშინელ დანაშაულში - მეუღლის მკვლელობაში, რომელიც შვიდი თვის ორსული იყო. მამაკაცი ცოლთან ერთად მუგლას პროვინციაში, პეპლის ხეობაში დასასვენებლად გაეშურა.წყვილი კლდეზე ავიდნენ რათა ხედებით დამტკბარიყვნენ და რომანტიკული სელფიც გადაღება გადაწყვიტეს. უკანასკნელ ფოტოზე 32 წლის სემრა აიზალი ქმრის უკან დგას და ბედნიერად იღიმის. კიდევ ერთი წამი - და ის გადავარდება 300 მეტრის სიმაღლის კლდიდან და ჯერ არდაბადებულ ბავშვთან ერთად მოკვდება. 
მამაკაცმა თავად გამოიძახა მაშველები, რომლებმაც სემრას უსიცოცხლო სხეული იპოვნეს. ჰაკანი შეეცადა მომხდარი უბედურ შემთხვევად წარმოეჩინა. თუმცა, საეჭვო დეტალები მალე გამოაშკარავდა. ცოლის გარდაცვალებამდე ცოტა ხნით ადრე, ქმარმა მისი სიცოცხლე დააზღვია უბედური შემთხვევისთვის 400 ათას ლირად (დაახლოებით 180 000 ლარი). მისი გარდაცვალების შემდეგ მან მყისვე მოითხოვა დაზღვევის ფული. გარდა ამისა, წყვილმა სამი საათი გაატარა კლდეზე, თუმცა როგორც გაირკვა სემრას სიმაღლის ეშინოდა. პროკურორის თქმით, მამაკაცი მთელი ამ დროის განმავლობაში ელოდა შესაფერის მომენტს, რათა ცოლისთვის ხელი ეკრა მოწმეების გარეშე. 
ჰაკანი უარყოფს ბრალდებას. მისივე თქმით, ფოტოსესიის დასრულების შემდეგ მისმა მეუღლემ ტელეფონი ჩანთაში ჩადო, მაგრამ მოგვიანებით ქმარს სთხოვა ტელეფონი ისევ მიეცა. როდესაც ის მობილურის ასაღებად წავიდა, მას ცოლის ყვირილი მოესმა. ის კლდის პირას მივარდა, მაგრამ უკვე გვიანი იყო.
გამოძიება გრძელდება. ასევე დაგაინტერესებთ    271 4-ს მოსწონს
|
  |
Intermedia.ge © 2011-2024 წელი
საავტორო უფლებები დაცულია
 |
