ყველა გოგონას როდი შეუძლია გარშემომყოფების წინაშე თავი მოდელის პარამეტრებითა და სრულყოფილი სილუეტით მოიწონოს. ვერაგი "ფორთოხლის კანი" ზოგჯერ გამხდარ გოგონებშიც გვხვდება რომ აღარაფერი ვთქვათ ფუმფულა ფორმების მქონე ქალბატონებზე. ცელულიტი მოგეხსენებათ რომ თითქმის ყველა ქალის გადაუჭრელი პრობლემაა, მათ შორის, ცნობილი სელებრითებისაც.

ცელულიტის დასამალად დიზაინერები ყოველ სეზონზე ქალბატონებს მრავალფეროვან საცურაო კოსტუმებს სთავაზობენ. დღეს, ბაზარზე ზღვის სეზონის ამ განუყრელი ატრიბუტის როგორ მოდელს აღარ შეხვდებით - მინი - ქვედაბოლოთი, რუშებით, ფურფუშებით, გარდა ამისა, მსგავსს საცურაო კოსტიუმს შეუძლია თეძოების მოცულობა მკვეთრად შეამციროს. მაგალითად, საცურაო კოსტუმის ასეთ მოდელებს ძირითადად, ბიონსე ირჩევს, რომელიც მის მადისაღმძვრელ ფორმებზე მართლაც რომ იდეალურად გამოიყურება. ვარსკვლავების მაგალითზე წარმოგიდგენთ, თუ როგორი საცურაო კოსტიუმები უნდა ატარონ გოგონებმა, რომლებიც ბუნებამ ბარძაყებსა და დუნდულებზე გლუვი კანითა და სხეულის იდეალური ფორმებით არ დააჯილდოვა.