მსოფლიო კინემატოგრაფის ერთ - ერთი ყველაზე ლამაზი და სასურველი ქალი მონიკა ბელუჩი პაპარაცებისა და ჟურნალისტების მხრიდან ყოველთვის გადამეტებული ყურადღებით სარგებლობდა. იტალიელი ლამაზმანის თითოეულ ნაბიჯს მსოფლიო პრესა გამადიდებელი შუშით აკვირდება, განსაკუთრებით კი მას შემდეგ, რაც მისი ცხოვრებისეული გზა ფრანგ მსახიობ ვინსენტ კასელთან სამუდამოდ გაიყარა.

ლამაზმანის თითქმის არც ერთი გასეირნება პაპარაცებს შეუმჩნეველი არ რჩებათ. მაგალითად, სულ რამდენიმე დღის წინ, საბერძნეთში, დასასვენებლად მყოფი ვარსკვლავი, პაპარაცებმა ლანჩზე, საკუთარ მეგობართან ერთად ფეხით მიმავალი დააფიქსირეს და რამდენიმე ფოტოც გადაუღეს, რითიც იტალიური კინოს მშვენება უხერხულ მდგომარეობაში ჩააგდეს.

შავ - თეთრი ტონალობის პრინტის, საზაფხულო კაბაში გამოწყობილი მსახიობი, მოშიშვლებული მხრებით გარშემო ყველას ყურადღებას უნებურად იპყრობდა.

სელებრითის ახალი ფოტოები ინტერეტსივრცეში ვირუსივით გავრცელდა, ვარსკვლავის ერთგული თაყვანისმცემლები საყვარელი მსახიობის მიმართ საქებარ სიტყვებს და კომპლიმენტებს არ იშურებდნენ, თუმცა იყვნენ ისეთებიც, ვინც ყველასთვის საყვარელი "მალენას" გარეგნობაში აქცენტს პირველ რიგში, მის დანაოჭებულ კისერსა და ჩამქრალ მზერაზე აკეთებდა.