ქალბატონების რჩეულმა ფეხსაცმლის ბრენდმა Christian Louboutin წარმოადგინა შემოდგომა-ზამთარი 2012/13 წლის კოლექცია.

ახალ კოლექციაში ცნობილმა მეწაღემ დიდი ყურადღება დაუთმო ფეხსაცმლის უკანა ხედს და გააფორმა ის ლამაზი ბაფთებით. კოლექციაში სიახლეა მსხვილი შესაკრავები და ლეოპარდის პრინტი, ასევე ცნობილი შოტლანდიური "კილტების" დამახასიათებელი შავ-წითელი ორნამენტი, რაც ფეხსაცმლის ბევრ მოდელს ალამაზებს. ახალი კოლექციის სარეკლამო ფოტოები ფოტოგრაფმა პიტერ ლიპმანმა გადაიღო მსოფლიოს ქალაქების გამორჩეული ხედების ფონზე.