ის, რომ მდიდრებსა და ცნობილებს, საკუთარი თავის განებივრება მსოფლიოს საუკეთესო რესტორნებითა და გამორჩეული დელიკატესებით შეუძლიათ, ალბათ სიახლეს არავისთვის წარმოადგენს, თუმცა გაგიკვირდებათ და, სელებრითები საუცხოო გემოს მქონე კერძებთან შედარებით, უპირატესობას სწორედ აი, ამ სახის პროდუქტებს ანიჭებენ.

ანჯელინა ჯოლი

ტარაკნები და ფუტკრის ლარვები ენჯის მენიუს ნაწილი მას შემდეგ გახდა, რაც მან ისინი პირველად კამბოჯაში დააგემოვნა, სადაც მათ ცილის მთავარ წყაროდ თვლიან.

ფერჯი

ორი სუფრის კოვზი ვაშლის ძმარი ფერჯის ყოველდღიური სადილია. მომღერალი დარწმუნებულია, რომ ის ორგანიზმს არა მხოლოდ ტოქსინებისგან გათავისუფლებაში ეხმარება, არამედ ღვიძლის მეტაბოლურ და რეგენერაციულ პროცესებსაც არეგულირებს.

პეტრა ნემკოვა

ჩეხი მოდელის კვების რაციონი მხოლოდ სამი პროდუქტისგან - თევზისგან, სტაფილოსგან და პომიდვრისგან შედგება. პეტრა დარწმუნებულია, რომ ეს სამი კომპონენტი ყველა საჭირო ნივთიერებას შეიცავს, რომლისგანაც 100 - ზე მეტი სხვადასხვა კერძის მომზადებაა შესაძლებელი.

მერაია ქერი

მერაია საკვების შერჩევისას ერთი უნივერსალური კრიტერიუმით ხელმძღვანელობს: ის აუცილებლად იისფერი უნდა იყოს. მომღერალს მიაჩნია, რომ სხვა ყველა დანარჩენი ფერის პროდუქტი საკვებად გამოუსადეგარია. ამერიკელი პოპ - ვარსკვლავი დარწმუნებულია, რომ მეწამული - იისფერი შეფერილობის ხილი და ბოსტნეული სპეციალურ ნივთიერებებს - ანტოციანინებს შეიცავს, რომლებიც უნიკალური სამკურნალო და გამწმენდი თვისებებით გმოირჩევიან. ვარსკვლავი მხოლოდ - ბადრიჯანს, წითელ კომბოსტოს, ჭარხალს, წითელ ლობიოს, რეჰანს, შავ ქლიავსა და შესაბამისი ფერის კენკრას მიირთმევს.

რიზ უიზერსპუნი

რიზის კვების რაციონი ექსკლუზიურად მხოლოდ ბავშვთა კვებისგან შედგება: დაფქული ისპანახი, ვაშლის პიურე, სწრაფად მომსამზადებელი ხსნადი ფაფა - ეს ყველაფერი, რა თქმა უნდა, მარილისა და შაქრის გარეშე. ჭორებს თუ დავუჯერებთ, ლედი გაგაც ანალოგიურად იკვებება.

ელიზაბეტ ჰარლი

ჰოლივუდელი ლამაზმანი ჩაის, ყავისა და წყლის ნაცვლად, დღეში ორ ლიტრამდე წიწმატის წვენს სვამს. გამეორება არც კი სცადოთ!

პენელოპე კრუსი

პედრო ალმოდოვარისა და ვუდი ალენის საყვარელმა მუზამ - პენელოპე კრუსმა აღიარა, რომ დღე არ გავა მან საკუთარი ხელით, დიდი რაოდენობით კარაქში მომზადებული შემწვარი ბრინჯი ან მაკარონი რომ არ მიირთვას.

ჯენიფერ ლოპესი

პოპულარული მომღერალი და მსახიობი ჯენიფერ ლოპესი საკმაოდ არაჯასაღი საკვებით იკვებება, რაც არ უნდა გაგიკვირდეთ, მისი ყოველდღიური რაციონი "M&M"– ისა და "Snickers"-ის გარდა, ასევე შოკოლადის ორცხობილისგან, მზესუმზირისგან, კარტოფილის ჩიფსებისგან (არაჟნისა და ხახვის გემოთი), ყველის ჩხირებისა და სხვადასხვა სახის კრეკერისგან შედგება.

პატრისია კაასი

ფრანგი მომღერლისა და მსახიობის ყოველდღიურ რაციონში არც მეტი, არც ნაკლები 6 ქილა ლუდი მკაცრად არის გაწერილი.