ქართულ რეალობაში 2020 წლის აპრილის თვეში მოქალაქეთა ახალი პოლიტიკური გაერთიანება „ქართული ფესვები“ დაფუძნდა, პარტია რომლის დაარსების ინიციატორი და თავმჯდომარე შეერთებულ შტატებში, თითქმის ორი ათეული წელი მოღვაწე ქართველი ემიგრანტიი თენგიზ ოქროპილაშვილია.

ზოგადად, ქვეყანაში ნდობა ქართული პოლიტიკური სუბიექტების მიმართ იმდენად დაბალია, რომ მოსახლეობის უმეტესი ნაწილი უკვე უიმედოდ უყურებს ყოველ მომდევნო არჩევნებს, იქნება ეს საპარლამენტო, თვითმართველობის, თუ თუნდაც საპრეზიდენტო არჩევნები, რადგან 20 წელზე მეტია ერთიდაიგივე სახეების, ერთიდაიგივე სახელის და გვარების (სხვადასხვა სახელების პარტიის ქვოტით) ტრიალით გაღიზიანებული მოსახლეობა უკეთეს შემთხვევაში ინდეფერენტული და უარეს შემთხვევაში ცინიკურად და უიმედოდ უყურებს ყოველ მომდევნო არჩევნებს.

ამ ფონზე „ქართული ფესვების“ პოლიტიკურ სივრცეში გამოჩენამ პირველივე დღეს აახმაურა საინფორმაციო სააგენტოები, ტელევიზიები და მოქალაქეთა სხვადასხვა ჯგუფები და ეჭვსგარეშეა, რომ ეს იმ ადამიანების დამსახურებაა ვინც 20 ივლისს 31 ოქტომბრის საპარლამენტო არჩევნებში მაჟორიტარი დეპუტატობის კანდიდატებად დაასახელეს ხუთ ოლქში.

ნუგზარ კვაშალი (მუსიკოსი, ლეგენდარული ანსამბლ „ივერიის“ სოლისტი) - გურიის რეგიონის კანდიდატი, ზურაბ ცინცქილაძე (მსახიობი, ბევრი უკვდავი როლის შემსრულებელი და ქართულ ფილმებში მთავარი როლის უზადო შემსრულებელი) - ზემო აჭარის რეგიონის კანდიდატი, ბესიკ ჩუბინიძე (პოპულარული ჟურნალისტი, მწერალ-დოკუმენტალისტი, აფხაზეთის ომის ვეტერანი, საქართველოში ერთადერთი მუსიკალური დაჯილდოების ცერემონიალის „მეგას“ დამფუძნებელ-ორგანიზატორი) - რუსთავის რეგიონის კანდიდატი, ნათია ჯიმშელეიშვილი (ჟურნალისტი, პოეტი, ქართული ლიტერატურის სპეციალისტი, საზოგადო მოღვაწე, ქართული ემიგრაციის პროექტების ორგანიზატორი) - ქუთაისის კანდიდატი და ნოდარ ლიპარტელიანი (ეროვნული მოძრაობის აქტიური წევრი, პირველი პრეზიდენტის ზვიად გამსახურდიას მმართველობის პერიოდში რეგიონში - პრეფექტი) - რაჭა-ლეჩხუმის და სვანეთის რეგიონის კანდიდატი

პარტიამ ოფიციიალურად გამოაცხადა საარჩევნო კამპანიის, რეგიონალური შტაბების და სამაჟორიტარო ოფისების გახსნა, და პარალელურ რეჟიმში საარჩევნო პროგრამის წარსადგენად აქტიური მზადება, რაც ოფიციალურად ცესკოს მხრიდან საარჩევნო ნომრის მინიჭების შემდეგ მოხდება.

ბესო ჩუბინიძე („ქართული ფესვების“ წევრი, რუსთავის მაჟორიტარობის კანდიდატი) - პირადად ჩემთვის ეს, ჩემი ქვეყნისთვის, ჩემი ქალაქისთვის ბრძოლის ახალი ეტაპია, სხვა რესურსებით, სხვა პათოსით, სხვა ფორმატით, მაგრამ იგივე გულით, რა გულითაც მე 1993 წელს, რუსეთ-საქართველოს ომის დროს, აფხაზეთში ჩემი ქალაქის, რუსთავის ბატალიონის მებრძოლებს 18 წლისა, მოხალისედ შევუერთდი. ზუსტად ვიცი გამოჩნდება ბევრი „კრიტიკოსი“, სოციალურ ქსელებში გაჩნდება ბევრი ახალი ტროლი, შეიქმნება ბევრი ფეიკ-ნიუსი, გავრცელდება ტყუილები და ეს, სხვათაშორის არა მხოლოდ საქართველოს ნებისმიერი არჩევნების პრობლემაა, არამედ გლობალური, მსოფლიო პოლიტიკისაც, მაგრამ ბრძოლა - ღირს! მეღიმება თუნდაც ჩემი ქალაქისთვის, რუსთაველებისთვის და რუსთავის პრობლემების გადაწყვეტისთვის ბრძოლაში ისეთ სტრატეგიას, რომ ირჩევენ, მხოლოდ დაპირებებზე და მომავალზე რომაა დამყარებული, ვთვლი რომ თითოეული ადამიანის წარსული უნდა იყოს გადამწყვეტი, მოქალაქეთა მხრიდან კონკრეტული არჩევანის გაკეთების დროს, რას ვირჩევთ: - უკომპრომისო ბრძოლას, დაუღალავად მუშაობას, ხიდის როლს ხალხსა და ხელისუფლებას შორის, თუ - გამარჯვებისთანავე ტელეფონის ნომრის გამოცვლას :) გადაკარგვას :) დუმილს :) მორჩილად ყველაფერზე დათანხმებას :)? ყველა კანდიდატს წარმატებას ვუსურვებ, მაგრამ ვიტყვი - მორჩა ლაქ-ლაქისა და სიაფანტი დაპირებების დრო, დაშინების და მორჩილების, ახლა - ახლის, უკომპრომისო და სუფთა წარსულის მქონე ადამიანების დროა! - აცხადებს ჩვენთან საუბარში „ქართული ფესვების“ რუსთავის მაჟორიტარობის კანდიდატი.