Cavea-ს drive-in კინოთეატრის ლოკაცია ცნობილია.

„მალე, ლისის ტბასთან, ახალ იპოდრომზე “კავეას” ქსელი კინოთეატრს მანქანებისთვის გახსნის და მაყურებლები უახლეს რეპერტუართან და მსოფლიო პრემიერებთან ერთად, კინომარათონებს და სხვა ივენთებს იხილავს. ლისის ახალი იპოდრომის პარკინგზე, კავეა drive-in კინოთეატრი საწყის ეტაპზე მინიმუმ 200 ავტომობილზე იქნება გათვლილი, მოეწყობა სპეციალური სივრცე სხვა სახის ტრანსპორტისა ავტომობილების გარეშე მოსული მაყურებლისთვისაც. მოთხოვნის შემთხვევაში ეს რაოდენობა გაიზრდება.

რაც შეეხება სეანსების რაოდენობას საღამოს 8 საათის შემდეგ 1 ან 2 ჩვენება იქნება და კავეა drive in კინოთეატრები ივლისის პირველ ნახევარში გაიხსნება“, - ამის შესახებ Cavea-ს საზოგადოებასთან ურთიერთობის სამსახურის ხელმძღვანელი მაია სიხარულიძე Facebook-ის გვერდზე წერს.