ფეხებზე თრომბოზის პირველი ნიშნები გაქვთ!

პროფილაქტიკა

2020, 24 მაისი, 10:34

თრომბოზი (ბერძ. thrombosis - შედედება) არის სისხლძარღვებში თრომბების წარმოქმნის პროცესი, რომლის შედეგადაც სისხლძარღვის სანათური შეიძლება ნაწილობრივ ან მთლიანად დაიხშოს. ეს ძალიან საშიშ დაავადებად ითვლება იმიტომ, რომ მისი სწრაფად აღმოჩენა ვერ ხერხდება, რასაც მოჰყვება გართულებები - ნეკროტიკული ხასიათის შეუქცევადი ცვლილებები. სწორედ ამიტომ, სისხლის შედედების თავიდან აცილების მიზნით, სასწრაფო ზომებია მისაღები.

თრომბოფლებიტის სიმპტომები:

თრომბოზის საწყისი ნიშნები, რასაც ყურადღება უნდა მივაქციოთ:

— მცირე შეშუპება;

— სიმძიმის და წვის შეგრძნება ფეხებში;

— წვივების ტკივილი;

— კანის სიწითლე.

ხშირ შემთხვევაში თრომბოზით დაავადებული ადამიანები სპეციალიზირებულ სამედიცინო დახმარებას მიმართავენ მხოლოდ მაშინ, როცა დაავადება ძალიან გართულებულია. ეს გამოიხატება დახშული ვენების გასწვრივ ჰემატომების წარმოქმნაში, ქვედა კიდურების ძლიერ შეშუპებაში და წვივების ძლიერ ტკივილებში. ზოგჯერ დაავადება კიდურების გაშავების სტადიამდეც კი მიჰყავთ.

თრომბოფლებიტი უფრო ხშირად წარმოიქმნება ქვედა კიდურებზე- ტერფზე, ბარძაყებზე, თეძოებზე.

ვინ არის რისკის ჯგუფში

არიან ადამიანები, რომლებსაც გაცილებით მაღალი რისკი აქვთ თრომბოზით დაავადების, ვიდრე დანარჩენებს. ასეთ ადამიანებს მიეკუთვნებიან:

— ისინი, ვინც ნაკლებად მოძრაობენ და ძირითადად ზიან (მძღოლები, ოფისის თანამშრომლები, თვითმფრინავით მოგზაურობის მოყვარულები);

— ადამიანები, რომლებმაც გადაიტანეს ოპერაცია ან ავადმყოფობენ და ამიტომ დიდი ხანია იცავენ წოლით რეჟიმს;

— ისინი, ვისაც ვარიკოზული ვენები და სისხლის სწრაფი შედედების უნარი აქვთ;

— ორსული ქალები (თრომბოზის შეძენის რისკი ქალებში იზრდება მშობირობის დროს);

— ჭარბი წონის მქონე ადამიანები;

— ხანდაზმული ადამიანები, რომლებიც ნაკლებს მოძრაობენ

— მავნე ჩვევები (მოწევა და ალკოჰოლის მიღება);

— ისინი, ვის ოჯახშიც ახლობლები ამ დაავადებით იყვნენ ავად ან ჰქონდათ სისხლის ცუდი შედედების უნარი;

—ქალები, რომლებიც იყენებენ ჰორმონალურ კონტრაცეპტივებს ( ეს პრეპარატები ამაღლებენ სისხლის შედედების ფუნქციას).

თრომბი შეიძლება განვითარდეს სხვადასხვა ორგანოში, თითოეულ მათგანს კი - განსხვავებული სიმპტომები გააჩნია.

გულისა და მსხვილი სისხლძარღვების თრომბოზის დროს დამახასიათებელია:

ტკივილი გულის არეში
არითმია
სიკვდილის შიში

ფილტვის სისხლძარღვთა თრომბოზის დროს:

ძლიერი ტკივილი გულმკერდის არეში
სუნთქვის უკმარისობა
შესაძლებელია თან ერთვოდეს სისხლიანი ხველა

ნაწლავთა სისხლძარღვების თრომბოზის შემთხვევაში:

მწვავე ტკივილი მუცლის არეში
ღებინება
მუცლის დაჭიმულობა

თავის ტვინის სისხლძარღვების თრომბოზის შემთხვევაში:

ფსიქიკური პროცესების დარღვევა (აღგზნება, მოდუნება, გონების დაკარგვა)
თავის ტკივილი
სხეულის გარკვეული არეების მგრძნობელობის მოშლა.

ექიმების რეკომენდაცია კი ასეთია

იმისთვის, რომ შეამციროთ თრომბის განვითარების საშიშროება:

დაკავდით ვარჯიშით;
მიიღეთ საკმარისი რაოდენობით წყალი;
იკვებეთ სწორად.

თუ თქვენ აღმოაჩინეთ თრომბოფლებიტის პირველი ნიშნები ან ხართ ზემოთ ჩამოთვლილი რისკების ჯგუფში, აუცილებელია მაშინვე მიმართოთ ექიმს. იმდენად, რამდენადაც რაც უფრო ადრე დაიწყებთ დაავადების მკურნალობას, მით მეტი შანსია სრული გამოჯანმრთელების. ეს რა თქმა უნდა ნებისმიერ დაავადებას ეხება.