ერთხელ ასეთი რამ ითქვა: „ის, ვინც არ იცნობს მაიკლ ჯექსონს, ალბათ სხვა პლანეტიდან ჩამოფრინდა“. და მართლაც, პოპ-მუსიკის მეფის მიმართ შესაძლოა სხვადასხვა აზრი არსებობდეს, მაგრამ არ იცოდე ის ვინ არის, ეს წარმოუდგენელია. ერთ-ერთი ყველაზე ლეგენდარული და კომერციულად წარმატებული მომღერალი კიდევ დიდხანს ჩაითვლება მუსიკალურ ხატად, შესაძლოა სამუდადოდაც კი.

2009 წლის ივნისში ჯექსონის გული გაჩერდა. მუსიკის სამყარომ გენიოსი დაკარგა. თუმცა, მაიკლის სახელი დღემდე ჩანს მედიაში, ძირითადად სხვადასხვა სკანდალთან დაკავშირებით. თავისი სახელი მეფემ დიდი ხნის წინ ჩაწერა ისტორიაში.

ჯექსონის ყველა გამოსვლა ფართომასშტაბიან შოუდ იყო ქცეული, რაც დასამახსოვრებელი იყო ბრწყინვალე სასცენო სახით. მხოლოდ ერთი რამ იყო ყოველთვის უცვლელი.

კონცერტების დროს მეფეს მარჯვენა ხელზე ყოველთვის ეცვა ბრწყვიალა ხელთათმანი. ფანატები დიდი ხანია თვლიდნენ აქსესუარს იმიჯის ნაწილად და არ აქცევდნენ დიდ ყურადღებას, მაგრამ რა ხდებოდა სინამდვილეში?

ოთხმოციან წლებში მომღერლის ფანატები შოკირებული იყვნენ. ისინი დარწმუნებული იყვნენ იმაში, რომ მათი კუმირი კანს ითეთრებდა. მრავალმა დაიწყო ჯექსონის დადანაშაულება- მას სურს გახდეს თეთრკანიანი.

მომღერლის დერმატოლოგმა ფანატების ეჭვები გააქრო, მაიკლს აღმოაჩნდა იშვიათი გენეტიკური დაავადება -ვიტილიგო. მოგვიანებით ეს გაკვეთამაც დაადასტურა.

იმ წლებში ამ დაავადების შესახებ ცოტამ თუ იცოდა. თუმცა, დღესაც კი მეცნიერებს არ აქვთ ზუსტი პასუხი-საიდან ჩნდება ის. მხოლოდ ისაა ცნობილი, რომ ვიტილიგო გადაეცემა გენეტიკური გზით და მის მთავარ სიმპტომს წარმოადგენს კანის უჯრედებში მელანინის გაქრობა.

მაიკლი კარგად იყო ინფორმირებული საკუთარ ავადმყოფობაზე, მაგრამ იყო რა ცნობილი და პოპულარული ადამიანი, ცდილობდა მის დამალვას. ამიტომ, ის მუდმივად იყენებდა ტონალურ კრემებს სახეზე თეთრი ლაქების დამალვის მიზნით. თუმცა დაავადება პროგრესირებდა და მომღერალი არაბუნებრივად ფერმკრთალი გახადა.

გარდა ამისა, მელანინის არ არსებობის გამო კანი მზის მიმართ ძალიან მგრძნობიარე ხდება და მარტივად იწვება. ამიტომ ჯექსონი იძულებული იყო ევლო მჭიდრო ტანსაცმლით, სათვალეებით და ქოლგითაც კი.

ეს აქსესუარი სვაროვსკის თვლებით იყო გაფორმებული და 190 ათასი დოლარი ღირდა.

არსებობს ვარაუდი, რომ დაავადება თავიდან სწორედ მარჯვენა ხელზე გამოუვლინდა მომღერალს და სწორედ ამიტომ დაიწყო ხელთათმანის ტარება. მოგვიანებით კი მისი იმიჯის განუყოფელ ნაწილად იქცა.

ჯექსონს რამდენიმე ხელთათმანი ჰქონდა. მათ შორის ყველაზე ცნობილი ხელთათმანი აუქციონზე 350 ათას დოლარად გაყიდეს აუქციონზე. 2015 წელს კიდევ ერთი ხელთათმანი გაიყიდა 64 ათას დოლარად.

ნებისმიერ შემთხვევაში მნიშვნელოვანი მხოლოდ ჯექსონის მუსიკაა. რაც სამუდამოდ დარჩება ჩვენთან იმ შემთხვევაშიც კი, თუ გონებიდან მისი სახე ამოიშლება. მადლობა მეფევ, რომ არსებობდი.

იხილეთ ასევე: