ავტორი: დიმა ნაჭყებია

ტიტანი არის პლანეტა სატურნის უდიდესი თანამგზავრი, ასევე მეორე უდიდესი ბუნებრივი თანამგზავრი მზის სისტემაში. ტიტანის ატმოსფეროს შემადგენლობაში შედის:აზოტი(95%), მეთანი(4, 9%), წყალბადი(0.1%). ტიტანს 15 დღე და 22 საათი სჭირდება, რომ სატურნს შემოუაროს. დაახლოებით იმდენივე დრო, რამდენიც სჭირდება გიგანტი პლანეტების ბუნებრივ თანამგზავრებს.ტიტანი მზიდან ძალიან შორსაა და მისი ზედაპირის ტემპერატურა დაახლოებით –179.2 ცელსიუსია

სატურნის უდიდესი თანამგზავრი 1655 წელის 25 მარტს, ჰოლანდიელმა მეცნიერმა, ქრისტიან ჰიუგენსმა აღმოაჩინა. ასტრონომი ვარაუდობდა, რომ სატურნის მახლობლად მოციმციმე ობიექტი, შეიძლებოდა პლანეტა სატურნის ბუნებრივი თანამგზავრი ყოფილიყო. რამდენიმე დღის მერე მან ეს მოსაზრება დაამტკიცა.

კასინი-ჰიუგენსი არის პირველი უპილოტო კოსმოსური ხომალდი, რომელიც სატურნის ორბიტაზე გავიდა და 2004 წლიდან აქტიურად სწავლობს სატურნს და მის ბუნებრივ თანამგზავრებს. ხომალდებს, სახელი ორი მეცნიერის, ჯოვანი კასინისა და ქრისტიან ჰიუგენსის საპატივსაცემოდ ეწოდა.

რაც შეეხება მითოლოგიასთან კავშირს, ტიტანები იყვნენ ურანოსისა და გეას შვილები, რომლებიც მამამ შეიძულა და დედამიწის წიაღში დამალა. ამ ყველაფერმა გეა გააღიზიანა და განიზრახა ბოლო მოეღო ამ ბოროტებისთვის. მან შექმნა ლითონი- ადამანტი, მისგან ნამგალი დაამზადა და შვილებს მამაზე შურის საძიებლად მოუწოდა.ყველა ტიტანი შეშინდა გარდა ერთისა, ეს იყო კრონოსი, რომელმაც აღასრულა დედის მოწოდება და დაამხო ურანოსის მეფობა. სამყაროს ახალი მმართველი მოევლინა ტიტან კრონოსის სახით.