ექვსი თვის ბავშვი სასწრაფოდ გახდა საავადმყოფოში გადასაყვანი მას შემდეგ, რაც მისი სხეული წითელი ლაქებით და წყლულებით დაიფარა

ლაქებმა სრულიად დაფარა ბავშვის თავი და მარცხენა თვალიც კი. ექიმები და ახლობლები შიშობდნენ, რომ პატარა ოარლა მხედველობას დაკარგავდა.

ოარლა ჰერპესვირუსით დაავადდა იმის მიუხედავად, რომ მისი დედა ჰოლი კრუკშენკსი, არ რთავდა ნებას სტუმრებს ეკოცნა ახალშობილისთვის.

„როდესაც ეს დავინახე, შიშმა შემიპყრო. ვიცოდი, რომ ამას შეიძლება სიბრმავე მოჰყოლოდა. ეს აზრი ძალიან მაშინებდა“, -ამბობს ჰოლი.

საავადმყოფოში ოარლას გადასხმები გაუკეთეს და მეორე დღეს ანთება ჩაცხრა. ტესტმა აჩვენა, რომ მხედველობა არ დაზარალდა.

ჰოლი ამბობს, რომ როდესაც წაიკითხა დედების პოსტები ჰერპესის საშიშროებაზე ჩვილებში, თავადაც აღარ აძლევდა სტუმრებს ბავშვის კოცნის უფლებას. თვითონ კი მხოლოდ შუბლზე კოცნიდა.

„ძალიან შეშინებული ვიყავი. ხალხს ეგონა პარანოია მჭირდა, ოარლას კოცნის ნებას რომ არ ვაძლევდი, მაგრამ მე ნანახი მქონდა, რა შეიძლებოდა ამ კოცნას მოჰყოლოდა. მე ვერ ვიკავებდი თავს და ვკოცნიდი შუბლზე, მაგრამ მნახველებს არ ვაძლევდი ამის უფლებას“.

ჰოლიმ არ იცის, საიდან დაავადდა ოარლა. ექიმები ამბობენ, რომ ვირუსი გადადის შეხების გზით.

ოარლა უკვე 15 თვისაა და სრულიად განიკურნა. მაგრამ დედა ძველებურად არ იძლევა ბავშვის კოცნის უფლებას.

„არ გაგავიმართლა, რომ დაავადდა, მაგრამ ძალიან გაგვიმართლა, რომ გამოჯანმრთელდა“, - ამბობს ჰოლი.

ექიმი კეროლ კუპერი გვახსენებს, რომ ჰერპესის ვირუსი უკიდურესად გადამდებია. ითვლება, რომ მსოფლიოში ადამიანების 90% ამ ვირუსის მატარებელია, მაგრამ სიმპტომების პირველი გამოვლინება, როგორც წესი ყველაზე მძიმეა.

თუმცა, ახალშობილებში ის იშვიათად გვხვდება. ვირუსი კოცნით შეიძლება გადავიდეს მასზე ან ძუძუთი კვებისას იმ შემთხვევაში, თუ დედას აქვს ჰერპესი მკერზე.

„როდესაც ჩემი შვილები იყვნენ პატარები, მეც არ ვაძლევდი არავის მათი კოცნის უფლებას. თუ თქვენ რამით ხართ დაავადებული, მაშინ ბავშვების შეხება და კოცნა -საერთოდ ცუდი იდეაა“, - ამბობს ექიმი კუპერი.

ჰერპესი იწვევს მტკივნეულ წყლულებს. გადაეცემა კანზე კონტაქტით, სქესობრივი გზით და კოცნითაც კი.

თქვენ რა აზრის ხართ ჩვევაზე, რასაც სხვისი და საკუთარი ბავშვების კოცნა ჰქვია?

იხილეთ ასევე: