სხვა
პლასტიკური ქირურგიის 22 წლის "ფანი", რომელიც სიკვდილს ძლივს გადაურჩა, გაჩერებას არ აპირებს
2020, 8 თებერვალი, 20:09
ჯერ კიდევ ადრეული ასაკიდან გოგონების უმრავლესობა ბალერინობაზე, ზოგიც კი ექიმობაზე ოცნებობს, თუმცა აი, 22 წლის ფინეთის მკვიდრი, ამანდა აჰოლა თქვენ წარმოიდგინეთ და, ყოველთვის ბარბის გარეგნობაზე ოცნებობდა.
იმისთვის რომ საკუთარი ოცნება რეალობად ექცია, ამანდამ ფულის შეგროვება მცირე ასაკიდან დაიწყო. გოგონა არანაირი სამუშაოს შესრულებას არ თაკილობდა, გარკვეული პერიოდი ის დამლაგებლადაც მუშაობდა, ოცნების ასრულებაში მას სოციალურ ქსელში გაცნობილი მდიდარი "მფარველებიც" დაეხმარნენ.
მალე ამანდამ საჭირო თანხაც დააგროვა და ბავშვობის ოცნების რეალიზაციასაც შეუდგა. გოგონამ ჯერ აუგუმენტაციური მამოპლასტიკა, შემდე კი ლიპოსაქცია გაიკეთა, სწორედ ერთ - ერთი ასეთი ქირურგიული ჩარევისას მას ტვინის შეშუპება დაემართა, თუმცა მედიკოსებმა მისი გადარჩენა სასწაულებრივად შეძლეს.
გონზე მოსულს, დასახული მიზნისკენ სვლა ვერც ჯანმრთელობის გაუარესებამ გადააფიქრებინა. ამანდამ მას შემდეგ, კიდევ არაერთი პლასტიკური ოპერაცია გაიკეთა.
მორიგი ასეთი "სილამაზის" ინექციის შემდეგ გოგონამ ისიც კი განაცხადა, რომ მას თავად სიკვდილისაც კი არ ეშინია.
ამანდა უახლოეს მომავალში კიდევ ერთი - დუნდულების გაზრდის ოპერაციის გაკეთებას გეგმავს. იმედია ამჯერად ყველაფერი გართულებების გარეშე ჩაივლის და ბავშვობის დროინდელი ოცნების ასრულებას ამანდა აჰოლა საბოლოოდ მაინც შეძლებს.
