წარმოიდგინეთ, რომ სუპერმარკეტში საყიდლებზე შესულს დახლები ცარიელი გხვდებათ. დაახლოებით ასეთ სურათს მივიღებთ თუ დედამიწაზე ფუტკრები აღარ იარსებებენ. მიზეზი მარტივია, ჩვენი საკვების მესამედზე მეტი დამოკიდებულია ფუტკრებისა და სხვა მწერების მიერ მცენარეების დამტვერიანებაზე.

ქვემოთ წარმოგიდგენთ 9 რამეს, რაც ფუტკრების განადგურების შემთხვევაში გაქრება:

1.კენკრა.

მაყვალი, ჟოლო, მოცხარი და ა.შ. დიდ წილად დამოკიდებულია ფუტკრების დამტვერვაზე. თუ არ იქნება ეს მწერი, აღარც კენკრა იარსებებს.

2. ხილი და ხილის წვენი.

მხოლოდ კენკრა არაა ფუტკარზე დამოკიდებული, ნებისმიერი ხილის ხეც საჭიროებს დამტვერვას. წინააღმდეგ შემთხვევაში გაქრება ვაშლი, ყურძენი, ატამი, კივი და ა.შ., შესაბამისად, ვეღარ დამზადდება სხვადასხვა წვენები და კომპოტები, ასევე პოვიდლო და მურაბები.

3. კოსმეტიკა.

კრემები, დეზოდორანტები და სხვა შეიცავს მცენარეულ ინგრედიენტებს, შესაბამისად ფუტკრები მათი არსებობისთვისაც საჭიროა.

4. ბოსტნეული.

ბოსტნეულის დიდი ნაწილი არაა ფუტკრების მიერ დამტვერვაზე დამოკიდებული, რადგან ისინი თავად ახდენენ საკუთარი თავის რეპროდუცირებას ან ამაში მათ ქარი ეხმარებათ, თუმცა ისეთი ბოსტნეულები, როგორიცაა კიტრი, გოგრა და ბადრიჯანი, აუცილებლად მწერებეს საჭიროებენ ნაყოფის გამოსაღებად.

5.ჟელებონი.

ნამდვილი ჟელებონი ხილისაგან მზადდება, ამიტომ არაა გასაკვირი, რომ ისიც გაქრება ფუტკრების დაღუპვის შემთხვევაში.

6. ტანსაცმელი.

მსოფლიოში არსებული ტანსაცმლის ნახევარი ბამბისაგანაა წარმოებული და ფუტკრები აღარ იქნებიან, ისიც გაქრება.

7. ზეთი.

საკვებად გამოსაყენებელი ზეთი მთლიანად არ გაქრება, თუმცა დეფიციტური შეიქმნება გამომდინარე იქიდან, რომ ფუტკრების გარეშე მათი მიღების შესაძლებლობა დაახლოებით 5-ჯერ შემცირდება.

8. მარგარინი

მარგარინი მცენარეული ზეთისგან მიღებული პროდუქტია და ლოგიკურია, რომ ისიც გაქრება.

9.ძეხვი.

გაგიკვირდათ ალბათ, რა შუაშია ფუტკარი ძეხვთან?! საქმე იმაშია, რომ ფუტკრები ამტვერიანებენ სიოს, ეს უკანასკნელი კი ღორების საკვებად გამოიყენება, ძეხვი კი ძირითადად ამ ცხოველისაგან იწარმოება. მეორე ფაქტორია სანელებლები, რომლებიც ძეხვების წარმოებაში გამოიყენება. ფუტკრები გარეშე სანელებლებიც გაქრება.

ასე რომ, გავუფრთხილდეთ ფუტკრებსა და სასარგებლო მწერებს, თუ გვინდა, რომ საკვების, ტანსაცმლისა და თავის მოვლის საშუალებების გარეშე არ დავრჩეთ.

ასევე საინტერესოა:

აზიური ფაროსანა -საშიში მწერი

მსოფლიოს რამდენიმე ქვეყანაში კალიების შემოსევაა ( შემაშფოთებელი ფოტო და ვიდეო-მასალა)

სასარგებლო და საინტერესო ინფორმაცია თაფლის შესახებ