“ანტიქრისტე" ბერძნული სიტყვაა და სიტყვა-სიტყვით ნიშნავს “ქრისტეს მოწინააღმდეგეს", “ქრისტეს ნაცვლად".

ქრისტიანულ რელიგიაში ანტიქრისტე მოიაზრება ბოროტების განმახორციელებლად “ბოლო ჟამს", რომელიც ამოფარებული იქნება ქრისტეს სახელს. წინასწარმეტყველების თანახმად, ანტიქრისტე გამეფდება სამყაროს აღსასრულამდე, თუმცა მისი საბოლოო გამარჯვება ვერ მოხერხდება, რადგან უფალი იესო ქრისტეს მეორედ მოსვლა გარდაუვალია და სწორედ ის დაამარცხებს ცრუ მესიას.

აღსანიშნავია, რომ ანტიქრისტეს შესახებ საუბარია ისლამურ სწავლებებშიც, და მას მოიხსენიებენ “მასიჰ-ად-დაჯალის" სახელით.

ქრისტიანულ წინასასწარმეტყველებებში ანტიქრისტეს მოსვლის ნიშანი იქნება მსოფლიოში მომრავლებული ომები, ბუნებრივი კატაკლიზმები, სხვადასხვა ეპიდემიები, ცრუწინასწარმეტყველნი და ცრუქრისტენი.

ბიბლიაში შეფარვით, სიმბოლური ეპითეტებითა და ფრაზებითაა მოხსენიებული “ბოლო ჟამი" და ანტიქრისტე, სწორედ ამიტომ ჯერჯერობით ვერავინ მოახერხა ამ წინასწარმეტყველების ზუსტად გაშიფვრა, კერძოდ, როდის გამოჩნდება ანტიქრისტე? სად? როგორ გაიშიფრება მისი სახელი, როგორც 666.

ქრისტეს შობიდან დღემდე ანტიქრისტედ მონათლეს არაერთი ადამიანი, მაგალითად, ნერონი, ნაპოლეონი, ლენინი, სტალინი და ა.შ.

ზოგიერთი იმასაც ამბობდა და ამბობს, რომ ანტიქრისტე თავდაპირველად შეეცდება ყველაფრით დაემსგავსოს იესოს, თუმცა მორწმუნეთათვის მისი შემჩნევა რთული არ იქნება. ის სიმაღლითაც კი სატანის მსგავსი იქნება.ამ მიმართულებით მოაზროვნეებმა ანტიქრისტედ მოიხსენიეს თავის დროზე ნაპოლეონი, ლენინი და ახლა პუტინი.

ბიბლიის მიხედვით, ანტიქრისტე გამეფდება იერუსალიმში და მსოფლიოს მის მმართველად მოევლინება, როგორც მხსნელი ადამიანთა გაუსაძლისი ცხოვრების პერიოდში.ხოლო მას შემდეგ, რაც მიიღებს მსოფლიოს ხალხთა და ქვეყნების მმართველთა მორჩილებას, გამოავლენს თავის ნამდვილ სახეს.მისი მორჩილნი დაღდასმულნი იქნებიან შუბლსა და მარჯვენა მაჯაზე სპეციალური “მხეცის ნიშნით" - 666.თუმცა ამ მოსაზრებას მოწინააღმდგებიც ჰყავს, რომლებიც აღნიშნავენ, რომ ანტიქრისტე არ იქნება ერთი კონკრეტული ადამიანი, არამედ ადამიანები, რომლებიც განუდგებიან უფალს, მიატოვებენ რწმენას, თავიანთი ფიქრით (რაც წინასწარმეტყველებაში გამოხატულია, მათი აზრით, შუბლით) და ქმედებით ( გამოხატული წინასწარმეტყველებაში მარჯვენა ხელის მაჯით) ემსახურებიან სატანას.
ამ მოსაზრებით სამყაროს აღსასრულის ჟამი დაწყებულია, რადგან მკაფიოა მორწმუნეთა და არამორწმუნეთა ჭიდილი მსოფლიოში, ზოგიერთი სარწმუნოებებს შორის ომებსაც მოიხსენიებს “ბოლო ჟამად".

ზოგიერთი მოსაზრებით, ანტიქრისტე იქნება მასონური ორგანიზაციების მიერ არჩეული პიროვნება, რომელიც მსოფლიოს მმართველი გახდება.ამის დასტურად მოჰყავთ “ქვისმთლელთა"(მასონები) მისწრაფება, რომ გაქრეს ერებში სარწმუნოებები და ყველა მათგანი იყოს ერთი სარწმუნოების ქვეშ, ან ათეისტი. ამის დასტურადვე მოჰყავთ მასონთა ერთ-ერთი უმთავრესი პრინციპი, გახადონ ადამიანი უფრო სრულყოფილი, რაც მიჩნეულია ქრისტეს მსგავსის შექმნის მიზნად.აქვე წარმოიშვა აზრი, რომ ანტიქრისტე იქნება ცალთვალა, ის ცალი თვალით უყურებს სამყაროს, ( “ყოვლისმხედველი თვალი")რაც პირდაპირ კავშირშია მასონთა სიმბოლოსთან, თუმცა ამ იდეის წარმომავლობის დასაბუთება არ არსებობს.

ზოგადად ანტიქრისტე და “ბოლო ჟამი" საკმაოდ ვრცელი თემაა და ეს სტატია მხოლოდ ზოგადი მიმოხილვა გახლდათ ამ საიდუმლოებებით მოცული საკითხისა.

ასევე საინტერესოა:

როდის და როგორი იქნება აპოკალიფსი?!

ვინ არიან მასონები და მართავენ თუ არა ისინი მსოფლიოს?!

რას საქმიანობენ მასონები საქართველოში და ვინ იყვნენ ცნობილი ქართველი მასონები ჩვენი ქვეყნის ისტორიაში?!