გაიცანით ეს 30 წლის, ამერიკელი მოდელი და ბალერინა ფროსტინა შეიკია. მოდის დიზაინის განხრით ჩრდილოეთ ტეხასის უნივერსიტეტის კურსდამთავრებული დღესდღეობით ამერიკაში წარმატებულ მოცეკვავედ და დიზაინერად ითვლება.

ფროსტის ფსევდონიმით ცნობილი გოგონა 6 – დან 17 წლამდე ბალეტით სერიოზულად იყო გატაცებლი, თუმცა, სავსე ფორმების გამო იძულებული იყო სცენური ხელოვნების ეს სახეობა საბოლოოდ მიეტოვებინა.

18 წლის ასაკში შეიკი ბურლესკით დაინტერესდა (ბურლესკი - თეატრალური ეროტიკული შოუს სახეობა, რომელიც განსაკუთრებული პოპულარობით, მეოცე საუკუნის დასაწყისში სარგებლობდა) თუმცა, არასტანდარტული ფიზიკური მონაცემების მიუხედავად საკუთარი თავის რეალიზება, მართალია ბალეტში ვერა, მაგრამ აი, ეროტიკული ხასიათის ცეკვებში მაინც შეძლო.

როგორც გოგონა აღიარებს, ფართო საზოგადოების წინაშე ყოველი გამოსვლა მას უდიდეს სიამოვნებას ანიჭებს.

დამწყებ მოცეკვავეებს კი ურჩევს, რომ საკუთარ ოცნებაზე უარი არასდროს თქვან და არასოდეს დანებდნენ, თუმცა მათ აქვე იმასაც აფრთხილებს, რომ ცხოვრებაში მოძრაობის მიმართულება ყოველთვის დროულად შეცვალონ თუკი ამას გარემო მოითხოვს.

ფროსტი, სავსე ფორმების ქალბატონებს პირველ რიგში, საკუთარი სხეულის სიყვარულისკენ მოუწოდებს.