ეს უცნაური ტყუპი - ძმები სამყაროს 1946 წელს მოევლინენ. თუმცა, ბიჭებს მაშინ ჯერ კიდევ გარეგნობაში, უჩვეულო არაფერი ეტყობოდათ. ყველაფერი 4 წლის ასაკში დაიწყო, როდესაც ბავშვები წითელათი დაავადნენ, იშვიათმა გართულებამ ჰიპოფიზის ჯირკვალზე ნეგატიურად იმოქმედა, რამაც ბავშვებში ზრდის ჰორმონის დიდი რაოდენობით გამომუშავება გამოიწვია.

მოზარდობის ასაკში ბენი და ბილი საკუთარი თანატოლებისგან დიდი გაბარიტებითა და სიძლიერით გამოირჩეოდნენ. მოგვიანებით კი, წონაში მატებამ კატასტროფულ შედეგებს მიაღწია. სრულწლოვანების მიღწევისას თითოეული მათგანის წონა არც მეტი, არც ნაკლები 300 კგ-ზე მეტს შეადგენდა, იმის გათვალისწინებით, რომ ბიჭები საკმაოდ აქტიური ცხოვრების წესს მისდევდნენ.

ძმები დღის განმავლობაში ჯერ ფერმაში მუშაობდნენ, შემდეგ კი, მთელ თავისუფალ დროს ქალაქში მოტოციკლით სეირნობაში ატარებდნენ, რომელიც ერთი შეხედვით, მათ გაბარიტებთან შედარებით პატარა სათამაშო ძრავიან სატრანსპორტო საშუალებას მოგაგონებდათ. მოგვიანებით ბიჭები რესლინგით დაკავდნენ, მაგრამ სამწუხაროდ მათ წონის კლებაში არც ეს ინტენსიური ფიზიკური დატვირთვა დაეხმარა.

ბილი 1979 წელს გარდაიცვალა, ბენმა კი, 2001 წლამდე იცოცხლა. სიცოცხლის ბოლო ათწლეული მამაკაცი აუქციონის ბიზნესით იყო დაკავებული. ბენიმ და ბილიმ, მსოფლიოში როგორც ყველაზე მსუქანმა ტყუპმა - ძმებმა, სიცოცხლეშივე გინესის რეკორდების წიგნში შესვლაც მოასწრეს, იმ დროისთვის მამაკაცების წონა თქვენ წარმოიდგინეთ და, 328 და 338 კილოგრამს შეადგენდა.